Олн давхрта гермүдт бәәх улс июль сарин нег шин күртл счетчикүд тәвх зөвтә

Эн жилин июль сарин нег шин күртл олн давхрта гермүдт бәәх улс эврә бәәрндән дула оруллһна, ус өгдг, электрокүч орулдг системстан шишлнг счетчикүд тәвх зөвтә. Иим неквр федеральн закан тәвжәнә. Эн заканас иштә иим прибор тәвлһнә цуг һарцинь эздүд бийснь даах зөвтә. Эндр өдр танһчд минһ һар олн патьрта гермүд бәәнә. Эднәс 460 гермүд Элст балһснд. Киитн ус орулдг систем 660-н гермүдт орулгдад уга, теднәс Элст балһснд бәәх 140 гермүдт. Дула орулдг систем болхла олна патьрта зун герт орулх кергтә. Электрокүч орулдг систем болхла цуг гермүдт бәәнә. Цуг углгдж тәвгдсн системс цагларн хәләгдж эдлврт орулгдх зөвтә. Эн халхар заллтин компаньс цуг көдлмшиг цагларн күцәж чадх эс чадхинь ода деерән медгджәхш.