Эндр Хальмгин толһач Алексей Орлов Танһчин райодмудын муниципальн бүрдәцин ахлачнрла харһж күүндв. Харһллтын йовудт намрин болн үвлин кемд малд хот белдллһнә тускар өргн күүндвр болв.

Эндр Сити-Чесст хореографическ багмудын «Здравствуй, мир» нертә танһчин марһан эклв.

Май сарин арвн тавнас мана телеүзлврт “Алтн Булг” нерәдллһтә Танһчин бичкдүдин товчлгч марһан көдлмшән эклжәнә. Танһчин район болһнас ут тоодан арвн тавн команд орлцад дииләчән йилһх.

Арвн йисн жилин туршарт Әрәсәд майин арвн тавнла өрк-бүлин сән өдр темдглгджәнә. Эн өдрлә нег-негән йөрәһәд, белгән белгләд, онц оньг тусхах кергтә.

Давсн долан хонгин өдрмүдт Хальмг Танһчд йоста халун өдрмүд тогтсн билә. Элст балһснд болн Танһчин зәрм райодар аһарин кемжән һучн градусас давв.

«Зарница» нертә балһсна наадна финал эндр «Буревестник» стадион деер давв. Эн соньн керг-үүлдврт ут-тоодан балһсна школмудин 17 команд орлцв.

«Октябрь» нертә кинотеатрт эндр «Широкий формат» нертә баһчудин киномарафон давхмн. Сән зангшалд тогтснэн керг-үүлдвр Алдр диилврин 67-гч өөнд нерәдгдсн бәәнә. Эн акцин йовудт һурвн кино үзүлгдхмн.

Олн-әмтнә билг-эрдмин «Эрдм» ансамбль бүрдснәс авн 27 жил давсмн. Эн цагин эргцд ансамблин орлцачнр зуг Әрәсән олн һазр бәәтхә кесг һазадын орн-нутг эргж олн-әмтиг хальмг олн-әмтнә билг-эрдмлә таньлдулсмн.

Ик-Буурл района баһ наста эмчнр мөнгнә компенсацан авчана. эн программд З5 нас күрәд уга эмчнр орлцжана. авчах мөнгнә кемжәнь — нег сай арслнг тогтажана.

Эрмдгтә улсин өрк-бүлмүдәс тогтсн балһсна ассоциацин шунмһа орлцачнр эн өдрмүдт акц давулад, алдр төрскән харсгч дәәнә болн тылын ветеранмудыг йөрәв. Эдн харһад, белгәд белгләд, бүлән үгән нерәдв.

Диилврин өдрлә ирлцүлж Октябрьск района Цаһан Нур селәнд Төрскән харсгч дәәнә орлцач Хожин Әәтин бумб секгд. Энүг мана танһчд нертә скульптор Степан Ботиев үүдәсмн.

Танһчин эдл-ахусар хөд кирһлһнә дааврта керг эклсн бәәнә. Яшкулин районд эн жил дөрвн зун тәвн минһн хөн кирһлһгд орхмн. района муниципальн бүрдәцин специалистнр зәнглсәр белдврин цуг кергтә тоот күцәгдсн бәәнә.

Хальмгин хотл балһснд май сарин 21-с авн 25 күртл тооһарн 14-гч Цугәрәсән тохма хөөдин һәәхүл давхмн. Эн жил һәәхүлд зуг хуцмуд биш хөд чигн орулгдж, эднә чанһ-чииргнь йилһгдхмн.

Нертә, дамшлтта футболист, 1977-гч жилд баһ наста футболистнриг толһалж йовсн Дмитрий Подан санлд нерәдгдсн мини-футбольн марһан давсн амрлһна өдр болв.Нарта халун майин өдр футбол нааддг баахн талвнгд олн улс хурв.

Элст балһсна 1гч тойгта көгжмин школ 75гч жилин өөнән темдглжәнә. Эн жилмүдин эргцд һурвн минһн һар көвүд-күүкд энд эдрм дасв. Теднә тоод кесг сойлын ачта көдләчнр, нарт-делкән марһасин дииләчнр.