Хальмг танһчд заһс бәрлһнә көдлмш эклв

Хальмг танһчд заһс бәрлһнә көдлмш эклв. Эн кем март сард эклх зөвтә бәәсмн. Зөвәр киитн өдрмүдәс иштә эн керг хооран саагдв. Цөн өдр хооран Көк тенгст зөвәр ик салькн көдлжәсмн. Эн өдрмүдт болхла, заһс бәрлһнә дааврта көдлмш гүргүдән орв.

Цөн өдр хооран көдлжәсн салькн зогсв , болв тенгст тогтун гиж келж болшго. «Богатова» нертә эдл-ахун бригад эн өдр зуг 50 килограмм заһс бәрв. Эн тоот эдниг байрлулжахш.

Арвн өдртән заһсчнр тенгст йовх болжана, заһсн зөвәр баһ. Тенгрин му таалас көлтә заһс бәрлһнә көдлмш зөвәр ора эклсмн. Заһсчнр Лагань балһснас З0 километрт бәәх усна һазрт йовцхана. Ар үзгәс үләжәх номһн салькн заһс авч ирх гиж эдн нәәлжәнә.Өмннь заһс бәрх дәкәд хойр сар бәәнә. Болв эн цагин эргцд өмнән тәвсн зураһан күцәж чадх аль угань медгджәхш.

Тенгрин тогтун бәәлд олзлад, цуг арһ чидлән һарһад көдлх седклтәвидн. Харм төрхд заһс бәрлһнә бүкл сар геедрж одв гиж заһсчнр һундрхж келнә.

Эн жилә заһс бәрлһнә көдлмш күцәмжтә болх гиж эдн нәәлжәсмн. Тодлад келхд, давсн жилә даалһвран Хальмгин заһсчнр күцәж чадсн уга. Эн 2012-гч жилд эднә заһс бәрлһнә даалһвриг улм икдүлсмн. Эн жил эднә зура хойр минһн һурвн зун тонн тогтажана. Учрнь юундв — медгджәхш.

Ямаран бәәдл тогтвчн заһсчнр даалһвран күцәх зөвтә. Дәкәд болхла. бәрж авсн заһсан хулдлһна үннь зөвәр баһрсн бәәнә. Сазн, цурх, жаал заһсдиг килограммин арвн нәәмн арслнгар, уланжа, жирмәхә үүрмиг заһсдиг килограмминь дөрвн арслнгар өгчәнәвидн гиж заһсчнр келнә. Дәкәд болхла, заһс бәрлһнә цаас авлһна көдлмш бас уданд татгдв. Эн халхар Хальмгин, Әәдрхнә болн дагестана заһсчнрт тиим цаас Ижл-Көк тенгсин һазрин кемжәнә заллт һарһж өгдг болжана цаасн уданд авгдсн учрар хальмг танһчин зуг зурһан зун заһсчнр тенгст һарв. Эннь давсн жилмүдәс баһ болжана. заһс бәрлһнә цаг төгстл дала биш цаг үлдв, заһсчнр болхла, зуг һучн тонн заһс бәрсн бәәнә. тер бийнь эдн цуг чидлән агсч көдлжәнә.

Санкун Кермен, Бадмаран Владислав