Бурхн Багшин Алтн Сүмд Авалокитешварин мандл Элстихн һәәхв
Дрепунг Гоманг хурлас ирсн 8 ламнр Бурхн Багшин Алтн Сүмд Авалоктешварин мандл тосхжахин тускар давсн долан хонгин һарцдан бидн зәнглсн биләвидн. Дөрвн өдрин эргцд хотл балһсна олн әмтн болн гиичнр тосхлтин йовудиг шинжлж эврә нүдәрн үзж һәәхж чадцхав. hәәхлһнә йовудт әмтн Алтн судрин ном сонсч, ут жирһлин хаалһд нерәдгдсн Цаһан дәркин гегәнә номд орцхав. Эн керг-үүлдврт зуг мана балһсна, танһчин бәәтхә хам-хош бәәх балһсдин әмтн бас орлцж чадв. Иим эрүн чинртә үүлдврт орлцсн әмтн сән буй киискдг болжана. Давсн амрлһна өдр эн ке-сәәхн тоот олн-әмтн хәләснә хөөн эвдгдәд, элснә икнкнь һазр-уснд нерәдж Колонск боодгт цацгдв. Үлдсн тоотнь цөн өдрин эргцд өрүн номин дару олн-әмтнд түгәж өггдхмн. Ямр чигн тоот һазр деер мөнкинд бәәдго гисн учр-утхта йовдл болжана.
