Эндр фашистнрин лагерьмудас тенд бәрәнд бәәсн әмтиг сулдхсна өдр

Фашистнрин лагерьмудас тенд бәрәнд бәәсн әмтиг сулдхсна өдр эндр нарт-делкән олн-әмтн темдглжәнә. Жирн долан жил хооран Бухенвальд лагерин бәрәнд бәәсн күнд көдлмшәс көлтә муулян эдлж йовсн кесг олн-әмтн сулдхгдсн болдг. Тер лагерьт насна дигдән күрәд уга олн бичкдүд бәәсиг бидн туужас меднәвидн.

Минһн йисн зун йирн негдгч жилд зурһан наста Валентин Лебеденко эктәһән Украинан СевАше селәнәд бәәх концлагерьт тусв. Тер цагас авн жирн жил давв чигн медәт күн ода күртл һашута жилмүд тодлна. Керчи селәнд Лебеденкон өрк-бүл распределительн пункт тусв. Догшн киитн үвләр йовһар йовад көвүн сөөһәр унтв. Өрүнднь серхлә, эким Германя орн-нутгур йовулв гиж медүв гиж Валентин Андреевич келнә. Талдан көвүд-күүкдлә хамдан күзүцә зовлн даав.

«Судьба» нертә фашистрин концлагерьт суусн насни дигт күрәд уга бичкдүдин хальмгин ниицәнә ахлач Валентин Лебеденко келсәр, фашистнр эдниг әмтнә хашаһар йовулад, бәәрн улс көвүд-күүкдт өгсн хот-холыг фашистнр булаж авла.

Альбина Батишева нилх цагтан лагерьт тусв. Тегәд дала тоот ода тодлхш. Зуг дангин гесн өлссн билә гиж келнә. Тер цагин тускар энүнд экнь келж өгдг билә. 2З наста экнь Екатерина Леонидовна күүкән өскхин төлә кесг зовлн үзв.

Татьяна Папченко тодлсар, экнь пол деер кевтәд, нилх даргохин төлә гесн деерән тәвдг билә.

Тиим лагерьмудт 18 сай күн тусв. Эднәс 5 сай әмтиг фашистнр хаж алв. Лагерьт бәәсн бичкдүд ода медәтә улс. Эдн зуг күч-көлснә пеньс авчана. Эндр эдн сулдлһна өдрән темглцхәнә.

Азыда надежда, Жамбин Дмитрий