Эндр Әрәсән цергә туурмжин өдр

Эндр Әрәсән цергә туурмжин өдр. Эн өдр Ленинград балһсиг советск церг немшнрин бүслврәс бүклднь сулдхсмн. Бүслвриг бүклднь сулдхсна өдрт нерәдж дөчн дөрвдгч жилин январин хөрн доланд байрин салют кегдв. Эндр Санкт-Петербург балһснд байрин болн санлын керг-үүлдврмүд болжана, төрскән харсгч ветеранмудыг болн тер һашута йисн зун өдртән ик зовлнг дааж һарсн улсиг күндлжәнә. Хальмг танһчд долан күн Жителю блокадного Ленинграда нертә темдгәр ачлгдв. Эдн федеральн льготникүдин тоод орна, эднд ветерана туск федеральн закаһар социальн дөн күрглһнә льгот өггджәнә. Блокадникүд нәәмн зуцн һучн йисн арслнг мөнгнә социальн туслмж авч чадх эс гиж эн туслмжиг мөнгәрнь авч чаджана.