Танһчин прокуратурин коллегин сүүр болв

Эндр Хальмг танһчин прокуратурин коллегин сүүр болв. Энүнд давсн жилин танһчин прокуратурин көдлмшин аш диглгдв. Ут-тоодан арвн һурвн минһн зака эвдсн йовдл илткгдв, хөрн һурвн уголовн керг күцәгдв, административн засгла дөрвн зун күн харһулгдв. Танһчин прокуратур тооцана болн темдглж бичлһнә диг-даранд он оньг тусхажана, улсин конституционн зөв харслһнд, уголовн кергүд шинжлһнә төрмүдт ик оньг тусхагджана гиж эврәнн докладтан Хальмгин прокурор Алексей Самсонов темдглв. Коллегин сүүрт Өмн үзгин федеральн округд Әрәсән генеральн прокуратурин заллтин ахалч Вячеслав Конушкин болн танһчин толһач Алексей Орлов орлцв. Хойр минһн арвн дөрвдгч жилд Хальмгин прокуратурин өмн тәвгджәх күцлин тускар Алексей Орлов келж өгв.