Нуувчар көдлжәсн наадлһна заведень илткв

Оперативн-саглулгч керг-үүлдврин йовудт полицин көдләчнр нуувчар көдлжәсн наадлһан заведень илткв. Энүнд интернет залһлдана дөнгәр зака эвдж наадһлна үүлдвр күцәгджәсн бәәж. Хулд-гүүлгәнә павильонд интернет-кафе гисн зар өлгәд, эн нуувчар көдлжәсн заведеньд әмтн ирәд наддг бәәж. Иим заведень Элст балһсна негдгч микрорайонд көдлжәсн бәәж. Энүнд шишлнг программ болн электронн эв-арһ олзлад әмтн нааддг билә. Шинжлт кехин төлә мөшклһнә оперативн баг һарч йовсн кемд наадһлна һурвн оборудовань илткж авгдв. Өдгә цагт зака эвдж көдлжәсн наадһлан салона үүлдвр зогсагдв. Ода полицин көдләчнр хәәврин болн оперативн керг-үүлдврмүд күцәжәнә. Энүнә үүлдврин ашт хоршаж авсн ору тоолж һарһгджана. Ода эн йовдлар бүртклһн кегджәнә. Энүнә ашар салона эзн ямаран засгла харһулхнь медгдх.