Анапа балһснд болсн 16-гч Әрәсән өмн үзгин парламентск ассоциацин конференц эврәннь көдлмшән төгсәв

Анапа балһснд болсн 16-гч Әрәсән өмн үзгин парламентск ассоциацин конференц эврәннь көдлмшән төгсәв. Эн конференцд орлцсн улс эврәннь социальн седвәрән Әрәсән Президентин, премьер — министрин болн Государственн хүвин депутатнрин хайгудт илгәлж чадв.

Анапа Балһснд болсн 16-гч Әрәсән өмн үзгин парламентск ассоциацин конференцин элчнр 27 сурвр хәләж чадв. Дәкәд болхла эн ханьд зурһан Өмн үзгин федеральн округмудын парламентмүдин элчнр орлцчана. Комиттет болһнд өргн күүндв давулгдсн билә.

Нег өдрин эргцд кесг төр хаһлгдсн билә. Энүнд жилишн комунальн эдл ахун, селәнә эдл ахун делгрлтин тускар өргн күүндвр болв. Дәкәд болхла эн конференцин йовудт Астраханск областин хүүвин депутатнр Әрәсән церглтин министрт Анатолий Сердюковас зуна амрллһнд бичкдин эрүл менд харллһна лагерьмүд секх үрвр сурв. 16-гч Әрәсән өмн үзгин парламентск ассоциацин конференцд Социальн политикин, номин, сойлын болн сурһулин комитетин ахлач Герман Борликов сиврт туугдсн улсин тускар кесг зәнг орулв.

Исмель Биджиевин кесләр киитн сиврүр туугдсн кесг әмтн эндр өдр мөнгн авна. Регион болһнд эн мөгннә кемжән талдан болна. Цуг улс эндр өдр әдл мөнгн авх зөвтә.

Эн жилд эн конференциг краснодарск крайн парламентин спикер Владимир Бекетов ахлж йовсмн. Ирх жилд эн конференц Астраханск областьд болх.

Владимир Бекетовин келсәр цааранднь чигн олн зүсн халхар көдлх сана зүүжәнәвидн. Иргчдән хамдан кесг төр хаһлж чаджанавидн.

Дарук тиим конференц Астраханск областьд сентябрь сард болх.

Элла Хаптаханова, Сергей Очиров