Элстд 70 социальн әәмшгтә өрк бүлмүд бәәнә
Эндр өдр Элстд көвүд күүкдин зөв йос харлһна болн насни дигт күрәд уга комиссин то дигт 70 социальн әәмшгтә өрк бүлмүд зогсчана. Эн өрк —бүлмүдт 116 көвүд күүкд чик хәләвр уга өсчәнә.
Эндр өдр зөв йос харлһна болн бичкдүдин зөв йос харллһна болн насни дигт күрәд уга комиссин то дигт 70 социальн әәмшгтә өрк бүлмүд зогсчана. Эн өрк бүлмүдин бәәх гер дотркнь дегт бузр, эк эцкнрнь яһк чаһр ууһар бәәнә. Бичкдүд өдр болһн согту эк эцкнрин цүүглдән үзнә. Әмтнд социальн дөн күрглдг цутхлнгин специалистнр хамгин түрүнд бичкдүдин бәәц таалнь хәләнә. Бичкдүдин ик зунь иим бәәдл үзәд дасчксн болжана. Әрк чаһр уусн эк эцкнр эврәннь һарсн үрән ноха кевтә һазаран хайна. Ярк уусн гергн шидр нилхән сәәнәр хәләлгон коляскасн унһав. Бичкн нилх танһчин больницд орулгдсн билә, ода энүг өдр болһн эмчнр хәләнә. Эцкинь авалян харсад энүнә тускар чик кевәр хәрүһинь келж чадсн уга.
Юрий Немечевин келәр яһж мини авальм нилх унһаснь би үзссн угав. Мини авальм бас әрк ууна. Көдлмш уга, тегәд арһ уга болад бидн әркд орлавидн.
Эндр өдр нилхән унһасн эк наркологическ диспансерт эмнллһ авчана. Полицин көдләчнр энүг ода засгла харһулх. согту эк күсдүндур наста Хойр икр бичкдүдән ноха кичгүдиг кевтә киитн давшурт хайчкла.
Бичкдүдин нас дигт күрәд уга болн эднә зөв йос харуллһна комиссин ах специалист Татьяна Алешеван келсәр эн йовдлын тускар маднд өөр бәәсн улс жиннүлв. Киитн давшурт кевтс бичкдүд хәәкрәд уульв.
Эн бичкдин хәләдг ээжнь бас Эн герт бәәнә. Эн медәтин келсәр бернь дангин әрк ууна. Кесг дәкж әркән хайнав гиж нанд келлә болв күслдән тиигәд күргсн уга.
Дангин тиим йовдл харһна. Специалиснрин тоолврар өрк бүлдмүдт эк уухла — өрк бүл болшго. Әрк ууснь экнрлә ноолда кех йир күнд болна.
Бичкдүдин нас дигт күрәд уга болн эднә зөв йос харуллһна комиссин ах специалист Татьяна Алешеван келсәр хамгин түрүнд бидн өрк бүлиг харсх хөвтәвидн. Эндр өдр учетас 5-6 эк эцкнр тәвгдсн билә.
Специалдистнрин тоолврар сүл жилмүдт социальн әәмшг күргжәх өрк бүлмүдин тонь өсәд йовна.
Санкун Кермен, Котина Валерий
