Социальн көдләчнрин көдлмшин тускар

Социальн көдләчнр көгшдүдт дөн болсн деерән, эднә өөрхн улс болж, өрк-бүлиннь йоста гешүд болж тоолгдна. Эн күнд болн жанһрта көдлмш кежәх социальн церглтин көдләчнр медәтә улст, баһ теткртә өрк бүлмүдт олн халхасн дөн нөкдән күргнә.

Социальн көдләч Ирина Фуган көдлмшч өдр долан часас авн эклнә. Энүнә өдрин диг даран асхн күртл болна. Өрүн эртәс авн асхн күртл кесг өрк бүлд өдх кергтә гиж Ирина маднд келж өгв. Комунальн туслмжин мөгнг өгх, ааһ Савнь полынь уһах, аптекас эм , тәрә темсх хулдж авх кергтә . Цуг эн көдлмшиг өдр болһн ирина фуга кенә.

Көгшн улст бидн нүдн амн болж Сүв селвгәрн чигн дөн нөкд болнавидн гиж ирина фуга келв. Медәтә улс өдр дуусн гертән сууна һазаран һардг арһ уга. Эднд дәкәд бүлән хәләц кергтә. Школд сурһуль сурч йовсн цагт дангин медәтә улст дөн нөкд бола. Социальн көдләч болнав гиж нан санжасн уга биләв гиж маднд ирина келж өгв. Хөрн жилмүдин эргцд социальн көдлмш көдлнә.

Социальн көдләч Ирина Фуга келсәр медәтә улс бичкдүд кевтә эднлә күүндх кергтә. Эдн нанд өөрхн элгн садн болжана

Негдгч группин инвалид найн долан наста Арыла Надежда эврәннь социальн көдләчән сәәнәр меднә.

Энд көдлсн улс цаһан саната, жөөлн зангта болх зөвтә гиж Хальмг Танһчин социальн цутхлнгин ахлач Светлана Роман келж өгв. Зәрм улс социальн көдләчт дурго болна. Арһ уга болад эднәс дөн авна. Социальн көдләчин көдлмш йир күнд эднә жалв сардан тавн минһн арслн күрнә.

Хальмг Танһчин социальн цутхлнгин ахлач Светлана Роман келсәр социальн көдләч өдрәр сөөһәр чигн дөнгән күргч чадна.

Медәтә улсин эрүл менднь му болхла социальн көдләч өөрнь өдр сө уга сууна.

Сүл цагт социальн көдләчин көдлш балһснд бәәх медәтә улст кергтә. Көдлмш уга цагт социальн цутхлнгд олн әмтн ирнә. Эн байрин өдрлә бидн цуг социальн көдләчнриг әрүн цаһан седкләсн

йөрәжәнәвидн. Тана көдлмшт күнд болв чигн тадн медәтә улст дөн нөкдән күргжәнәт.

Ээнән Ольга, Валерий Котинов