Танһчин делегац Тольятти балһсна 275 өөнин байрт орлцв

Шидр Хальмг Танһчин делегац Тольятти балһсна 275-гч өөнд нерәдгдсн байрин керг үүлдврт орлцв. Нүүдлин йосар бәәсн мана өвкнр урдк жилмүдт дигтә эн һазрт бәәсмн.

Хойр зун далн тавн жил хоооран эн балһсн Ставрополь на волге гиж нерәддг бәәсмн. Греческ келнәс «Город святого креста»гиж орчулгдна. Эн балһс нүүдлин йосар бәәдг, межә харсдг улс һатлдг бәәсмн. Тольятти балһсна бәәрн улсин келсәр хальмг улс эднә балһсна туужд и корм эзлжәнә. Хальмг танһчин делегац хойр зун тәвн жилин өөнин байрт орлцсн билә. Эн ирллһндән Делагацин ханьд КИГИ РАНа номтнр, Танһчин арһлачнр орлцв. Делегациг Хальмг Танһчин Толhачин нөкч Виталий Дагинов ахлв.

Байрин керг үүлдврин йовудт татар келн улсин «Сабантуй» нәр наадн, келн улсин сойлын, «Рыбацкая кухня» фестиваль болн нань чигн. Эн байрт арвн минһн күн орлцв. Хальмгин делегацин элчнр музейд орад, хальмгудт нерәдгдсн экспозиц эврә нүдәрн хәләв.

Музейн ахлачин дарук Юлия Черненко келсәр жил болһн бидн эн экспозидцт хальмгүдын тускар кесг материал олж авад цуглрнавидн. Ставропольск хальмгин полк үүдәгдсн цагт шин туг үүдәсн билә. Эндр өдр күртл бидн эн тугиг әрүн кевәр хадһлжанавидн.

Эндр өдр хойр балһсн үүрлдх зөвтәвидн. Тер юнгад гихлә халмгуд маднд ик дөнгән күргв гиж Тольятти балһсна мэр Сергей Андреев келв.

Тольятти балһсна мэр Сергей Андреевин келсәр цааранднь чигн бат заллда бәрж үүрлд сана зүүжәнәвидн. Мана оютнр тана балһснд оч гүн медрл авад сән специалистнр болх.

Хальмгин номтнр Тольятти балһсна ик сурһульмудын багшнрла кесг жилдән үүлдж йовна. Эднә нилчәр дорд үзгин факультет секгдсн билә. Тольятти балһсна университетд дорд үзгин факультет секлһнд ик нилчән мана һазра күн Александр Тепикин дөн нөкдән күргв. Жавсн жилд эн факультетд сурһуль сурч йовсн баһчуд шин сборник һарһв. Байрин керг үүлдврт орлцсн делагацин элчнрин ухан тоолврар хойр балһсна хоорнд кежәх керг үүлдврмүд сән ашта болх зөвтә.

Харлун Бадма, Ирчин Алексей