Хальмг Танһчин хуралын медлд бәәх баһчудын палатын элчнр түрүн селвцәһән Яшкуль селәнд давулв

Хальмг Танһчин хуралын медлд бәәх баһчудын палатын элчнр түрүн селвцәһән Яшкуль селәнд давулв. Баһчудын палатын элчнр Яшкульск района баһчудла һарһж кесг төрмүдин тускар күүндв.

Эрвәннь керг үүлдврән баһчудын палатын элчнр төрскән харчсгч алдр дәәнә ветеранмудын бумблвд ирж гүрмр цецгүд тәвлһнәс эклв.

Түүнә хөөн дорас өсч йовх баһчуд Яшкульск района мунициапльн бүордәцин ахлачнла өргн күүндвр давулвә. Эн жилд Түрүн болж баһчуд эврәннь көдлмшән Хуралын хорад биш селәнәнд ирж көдлмшән давулжана.

Өрк бүлмүдин, спортын, эрүл мендин тускар баһчуд күүндв. Күүндврин йовудт селәнә баһчуд шнмһа кевәр бас орлцад эврәннь ухан тоолврарн бас хувалцв. Яшкульск районам муницмпальн бүрдәцин ахлач Тельман Хаглышев эврәннь көдлмшин тускар болн селәнә көдлмшин тусакар келж өгв. Хамгин һол болн хурц төр цогц махмудан батруллһна кичәлин тускар болв. Телман Хаглышевин узан тоолврар эндр эн кичәлмүдт баһчуд читк кевәр цогц махмудан батрулхш. Ирх шин сурһулин жиләс авн долан хонгт һурв дәкч цогц махмуд батруллһна кичәлмүд орулгдх. Өдгә цагт тиим кичәлмүдт көвүд күүкд темдгүд тәвх кергтә аль угай эн тускар баһчуд ахлачнрла селвцв.

Хальмг Танһчин хуралын медлд бәәх баһчудын палатын элч Игорь Очировин келсәр эндр өдр тиим керг үүлдврмүд дангин давулх кергтә тер юнгал гихлә баһчуд хоорндан харһад кесгтөрмүдин тукар селвцх зөвтә. Нег негндән селвгәрн чигн дөн күргж чадна. Билгтә баһчуд энд дала кен менднә иргчдән эдн бас ахлачнр болхнь маһд уга.

Района, Хальмг Танһчин, Селәнә бәәдл жирһлд мана баһчуд шунмһа кевәр дангин дуран өгч орлцна. Нег негнләрн дамшлтарн хувалцж үүлднә. Хурц төрмүдт орлцад ямаран чигн керг үүлдврәс мана баһчуд һарч чаджна.

Хальмгин хуралын ахлачин дарук Хонгр Эльбиковин келсәр Эндр өдр Яшкуль селән цуг танһчин селәдмүдәс йилһрнә, энд дамшлта малчнр гүн номта багшнр кесг көдлжәнә. Дорас өсч йовх баһчудынг нилчәр эн селәнә иргч сән болх.

Хавтхна Элла, Очра Сергей