Сунһврт цугнь белн

Сентябрин нәәмнд Хальмг танһчин сунһачнр олн-әмтнә хуралын депутатнриг сунһж авх зөвтә. Сунһлһна комиссь дууһан өглһнд ямаран белдвр кесн тускар мана сюжетд келгджәнә.

Хальмгин олн-әмтнә хуралын депутатнриг сунһж авлһн күртл цөн өдр үлдв. Ода танһчин хойр зун тәвн сунһлһна участк көдлмшән эклв. Танһчин больницд гемтә улсин төлә сунһлһна енмр участк секгдв. Комиссьмүд көлгн-күчәр болн техническ эв-арһар теткгдв. Эндр өдрт хойр зун хөрн негн минһн хойр зун бюллетень барлгдад, комиссьт күгж өггдв.

Сунһврин өмн кедг цәәлһврин көдлмшин йовудт сунюврин зака эвдсн арвн хойр эрлһн орж ирв. Эдн нурюлж агитацин халхар эвдж. Танһчин сунһлһна комиссин ахлач Александр Дикаловин келсәр, депутатнрин сунһврин йовудт КОИ-бмуд олзлгдшго. Тер мет видокемер бас олзлшго шиидвр авгдв. Тер саамд фото болн видео зургиг зуг сунһврин өдр кеж болх.

Шин закаһар иргч сунһврт болзгаснь урд дууһан өгч болшго. Ураднь дууһан өгх саната сунһачнр шишлнг документ авда дууһан өгч чадх. Эндр өдрт иим хөрн минһн экземпляр барлгдв. Энүг танһчин деед болн дунд эрдмин оютнрт өгх. Ода күсдундур иим документ өггдв.

Региона парламентин депутатнрин һурвн зун жирн һурвн кандидатас товчлгч девснгд политическ партьсин һурвн зун дөчн дөрвн элч орв. Эднә төлә Хальмгин хойр зун арвн нәәмн минһн сунһач дууһан өгх. Эднәс зурһан минһн күн түрүн болж сунһврт орлцх. Ода танһчин әмтн альд болн кезә дууһан өгхин тускар цаасн иржәнә. Ода сунһврт цугнь белн болв.