Әрәсән нертә артист Михаил Боярский орлцата наадн үзүлгдв
Хальмг танһчд Әрәсән олн-әмтнә артист Михаил Боярский ирсн билә. Нертә актер орлцата Интимная жизнь нертә наадн государственн концертн залд болв. Зимний Авиньон нертә нарта-делкән фестивальд актермудын коллектив гран-при мөрә шүүж авсмн. Әрәсән нертә артистнриг хальмгин хәләһәчнр яһж тосж авсна тускар мана сюжетд келгджәнә.
Наадна сюжетнь хуучн. Нег күн эврәннь өрәлән хәәжәнә. Тер тоод дурта күүһән олж авсн деерән, эврәннь хөвән хадһлх кергтә. Наадн орлцсн дөрвн артист хәләчнриг кииһән авлго наад хәләхинь некнә. Тер саамд инәх чигн йовдл учрна. Элст балһснд соньн наад хәләхәр олн әмтн ирв.
Москван артистнриг элчтихн болн гиичнр зогсад альхан ташж ханлтан өргв. Тер тоод Хальмг танһчин толһач Алексей Орлов бас наад ирж хәләв. лайф Алексей Орловин келсәр, гиичнр мана хәләһәчнрт соньн наадн үзүләд, гүн уха тунһах арһ өгв. Ик ханлт өргжәнә.
Наадн йир соньн кевәр бичгдж. Энүг дөрвн артист билгтә кевәр наадв. Театрин наадна һол күцлнь — буйнч седклин керг-үүлдвр болв. Билет хулдсн мөнгиг артистнр Элст балһсна искусствин училишд бәрүлж өгв. СНХ Әрәсән олн-әмтнә артист Михаил Боярский келсәр, талдан улст дөн күргхлә, сән болна. Эврәннь күч-көлсән билг-эрдмин халхар шинкн экләд көдлжх улст тусхахла байрта йовдл.
Артистын келсәр, Хальмг танһчин ке-сәәхн тег зүркинь авлв. Тер тоод Бурхн Багшин Алтн сүм, у-өргн тег болн теегин ноһана канкнсн үнр чееж сергәв. Энүг артист мөнкинд зүркндән хадһлж үлдәх.
