Элстд фестиваль болв

Хальмг танһчд нәәжнртән үрвр кежәнә. Иим нерәдлһтә нарта-делкән түрүн фестиваль Элст балһснд болв. Энүнд Бурятин, Израилин, Тыван, Монһлын, Кидин артистнр орлцв. Эннь искусствин нарта-делкән түрүн иим ик фестиваль болв. Эн керг-үүлдвр келн-улсин сойлын залһлда батрулх зөвтә. Тер мет тер өдрин бийднь Хамг Монһл нертә фестиваль болв. Хальмг танһчас энүнд Дмитрий Шараев билг-эрдмән үзүлв. Дмитрий хальмг ду дуулж өгв.

Фестивалин өмн өрнгд энүнд орлцачнрла Хальмг танһчин Б-З: толһач Алексей Орлов харһлт кев. Улан Баатр балһснд эн жилин сентябрин хөрн хойрла болх товчлгч концертд орлцх үрвр эдн Алексей Орловд кев. Бүрдәһәчнрин келсәр, иим төсв монһл яста цуг келн-улсиг негдүлх зөвтә. Иим фестиваль һурвн жилд нег дәкж болх.