Бичкн сәәхләсин марһан болв
Элст балһснд танһчин бичкн сәәхләг шүүж авв. “Аавин Байруш” нертә бичкдүдин марһанд нәәмн наснас авн арвн хойр насн күртл күүкд орлцв. Эдн хальмг улсин туужин тускар келж өгв, хальмг келнә билгән медүлв, келн-улсин хувц-хунр үзүлв. Кен диилвр бәрснә тускар мана сюжетд келгджәнә.
“Аавин Байруш” нертә танһчин бичкн сәәхләсин марһан байрин бәәдлд секхин өмн государственн концертн залд ик өмнәснь эклв. Түрүләд цуг орлцачнр шүүврин марһанд орлцв. Энүнә хөөн бичкн күүкд хамгин күнд товчлгч дөрлдәнд белдв кев. Элст балһсна сурһульч Карина Бадмаева цуг шүүврин марһасиг сәәнәр давж һарв.
Арвн хойр наста Карина Бадмаеван келсәр, эврәннь билгән үзүлхәр марһанд орлцжана.
Аштнь нәәмн наснас авн арвн хойр нас күртл арвн негн сәәхләс ке-сәәхн бишмүд өмсәд, товчлгч марһанд орлцхар белн болв. Эдн государственн концертн залд дөрлдв. Эдн цугтан йир сәәхн болн өкәр. Эднәс цугтан диилвр бәрх саната.
Арвн негн наста Заяна Дорджиеван келсәр, Элстин һурвдгч школд зурһадгч класст сурчанав. Латиамериканск би таасгдна. Эннь дурта эрдмнь болжана.
Марһанд орлцачнриг эк-эцкнрнь ирж дөннв. Зәрмдән эк-эцкнрин седвәр бичкн сәәхләст диилвр бәрхд сән нилчән күргнә.
Заяна Дорджиеван эк Елена Дорджиеван келсәр, урдаснь марһанд белдв кеж. Энүнә тускар давсн жилд медсн бәәж. Болв нидн жил иим марһанд орлцж чадсн уга. Эн жил энүнд орлцсндан ик байрта бәәнә. Заяна өсхләрн таллдан марһанд орлцх саната. Эннь сән белдвр болжана.
Белдврин кем төгсв. “Аавин Байруш” нертә бичкн сәәхләсин танһчин марһа бүрдәһәчнр эн асхн йоста ик байр үүдәж чадв. Арвн негн сәәхләс кедү үүмв чигн, жюрин гешүдт дууһин, бииһин эрдмән үзүлв, сцен деер бийән бәрдгинь үзүлсмн. Тер мет марһана йовудт гимнастк эврәннь билг-эрдмән үзүлв, олн-зүсн би биилв, тер тоод Хадрис би олн улсин зүрк авлв. Жюрин ханьд ВГТРК-н филиалын журналистк Тамара Надбитова орв. Эднд шүүвр кехд амр биш болв. Болв цуг орлцачнрнт ачлвр, үнтә белгүд күртв. Хальмг танһчин хамгин сәәхн күүкнә нер “Аавин Байруш 201З” нер нәәмн наста Анна Шлыкова зүүв.
Ода эн бичкн сәәхлә Москва балһснд болх “Бичкн сәәхлә” нертә цугәрәсән марһанд Хальмг танһчин нер харсх.
Хавтхна Элла, Максим Мятежный
