Лагань балһснд Хальмгин МЧС-ин коллегин сүүр болв

Энүнә тускар Лаганск районд болсн МЧС-ин коллегин сүүрт тодрхаһар келгдв. Сүүрин орлцачнрин темдглсәр, эн жил давсн жиллә дүнцүлхлә, түүмр шатсн йовдлмудын то баһрв. Тер бийнь эн халхар санамрдх керг уга. Эн жилин йисн сарин эргцд түүмр унтралһна райодын церглтин көдлмшин тускар тооца коллегин гешүд сонсв. Түүмр шатсн цагт олн әмтн зеткртә йовдлмудас гетлүлж авгдв. Иим йовдлас харсж авсн улсин то өсв, улсин зөөр бас харсж авгдв. Тер бийнь эн халхар хаһлх төрмүд ода чигн дала. Түүмр унтралһна оборудовань хуучрад олзлж болжахш. Иим дөрвн зун оборудованя зун арвн нәәминь капитальн кевәр ясх кергтә. Тер мет ус авдг шишлнг көрнг бас ясгдх зөвтә. Дәкәд болхла коллегин сүүрт баһ кемжәтә кермсин государственн инспекцин үүлдврин тускар күүндвр кегдв.