Эндр орс улсин Масленица нәәрин 5–гч өдр

Урд жилмүдт орс улсин масленица байриг хамгин шогта нәр наад гиж тоолдг билә. Эндр өдр күртл эн авьяс мартгдад уга, мана танһчин улс тер кевәрн эн байран өөрхн элгн саднла, үр иньгүдлә хамдан темдглнә.

Эн өдрмүдт мана Танhчин улс байрта сүл үвлән өдрмүдән давулад хаври цагиг тосжана.Элст бал.сна негдгч тойгта көгжмин школын сурһульчнр эврәннь билг эрдмән олн улст үзүлв. Ик бичкн уга Масленица нәр нааднд орлцхар зүткв. Эн школын директор Лариса Летуеван келсәр бичкдүд эн байриг тенкән уга күләв, эн нәр нааднд орлцхар урдаснь белвр кев. Эн өдрмүдт давулжах байрмуд ни негн бәәхт сән тусан күргнә.

Элст баһсна бәәрн күүкд күн Бакуш Нина дөрвн наста ач Денис көвү.ән хәләхәр ирв.Ээжнь келсәр ач көвүн түрүн болж олн улст эврәннь билг эрдмән үзүлжәнә. Жил болhн эднә өрк бүл Масленица шуугата кевәр темдглнә. Эн өдр Бакуш Нина эврәннь ачнр зеенртән гиичнртән блины шарна, рецептан маднд келж өгв. Нег стакан үснд, хойр өндг немәд хутхад, деернь һуйр, шикр хаяд сәәнәр хутхад hуйр өткн болх зөвтә түүнә хөөн блины халун тәәвәд кеhәд шарна.

Жил болһн негдгч тойгта көгжмин школын билгтнр Малсенница нәәрт орлцна. Бичкдүд дассн дууһан, биилсн бииһән давтад, тәәәз деер һарад олн улсиг эврәннь енгсг сәәхн дууhарн олн әмтнә чикнә хужр ханhав.

Идхд ик бичкн дурта. Әмтәхн, махта, өрмтә блины әмтн дурлна. Эн байрин өдрмүдт олн улс өөрхн элгн садндан одад гиичлнә. Блин угаһар Масленица байр болдго гиж олн улс тоолжана. Тегәд эн байрин өдрмүдт күн болhн олн зүсн блины шарад нег негән тоона.

Энән Дельгр, Очра Сергей