Лагань балhсна школ-интернатд ясвр болх
2012 жилд федеральн программин мөнгәр хуучн, нурад унжах Танhчин школмудт ясврин көдлмш цааранднь давулгдх. Эн жилд эн программд Лагань балһсна эрмдгтә бичкдүдин школ орв. Ясврин көдлмшиг интернатын сурhульчнр болн энд көдлжәх багшнр тенкән уга гидгәр күләжәнә.
Эндр өдр эн школ интернатд зу һар Лаганск, Хар-һазра, Яшкульск болн Үстин райодын бичкдүд орлцжана. 196З жиләс авн эн интернатд ясврин көдлмш кегдсн уга билә. Эн жилмүдин эргцд энд көдлжәх багшнр кесг бичкдүдт дөн нөкдән күргж, суphв. Эн интернат ик зуунднь хойрдг гер болв. Лаганскк школ интернатын һардачин дарук Мотнян Данаран келсәр эн сурһжах көвүд күүкд ийр тогтун, ду дуулхдан, би биилхдән әвр дурта, урн һарта.
Дөчн йисн жилдән эн школ интернатд ясврин көдлмш кегдсн уга билә, нәәмн жил хооран экләд зәрм хораст болн бичкдүд унтг хорад ясврин көдлмш кегдв. Эндр өдр школ интернатыг ясхин төлә хөрн сай арслнг кергтә болх гиж лагань балһсна школ интернатын һардач Панченко Ольга келв. Эн өдрмүдт эсврин көдлмш кехин организацсин дунд аукцион бүрдәв. Хамгин түрүнд классин хораст сән ясвр кегдх, тер юнгад гихлә көвүд күүкд өдр дуусн эн хорад сурһуль дасна, эднә төлә энд олн зүсн керг үүлдвр бүрдәгднә.
Келхд, мана танһчд Лагань балhсна школ интернатла хамдан дәкәд нәәмн школмүдт ясврин көдлмш кегдх. Эн туста кергт дөчн хойр сай арслнг йилhж өггдхмн. Дәкәд зурһан сурһулин заведеньст олн зүсин халхар тәвн дөрвн сай арслнг йил.ж өггдхмн. Эн программ иргч жилд цааранднь давулгдх. Эндр өдр мана регионд тәвн сурhулин учрежденьст ясврин көдлмш кергтә, энүнәс өрәлнь федеральн программд орулгдв.
Пихона Нина, Жамбин Дмитрий
