Хальмг танһчин арлһачнр шангас дөн авчана

Хальмг танhчд баһ болн дунд бизнес дөннхин төләд эн жил далн тавн сай дөнцл мөнгн йилһж өггдв. Өдгә цагт мана регионд баһ болн дунд арһлачнрин делгрлтин танһчин шишлнг программ үүлджәнә. Эн программар найн процентнь федеральн бюджетас данцагдна, хөрн процентиг танһчин хазн йилһж өгчәнә. Эн цагин эргцд шишлнг программар дөрвн зун шинкн кергән эклсн арһлач дөн авв. Иим программ олн-зүсн халхар күцәгджәнә, тер тоод шинкн экләд көдлжәх арһлачнрин зәрм һаруһинь данцалһна, лизингин бооцан зәрм мөнг өглһнә, электрокүч оруллһна халхар һарсн мөнг данцалһна төр хаһлгджана. Тер мет энүнәс даву һуч күрәд уга арһлачнрт дөн күргхин тускар баһчудын кергүдин төрәр үүлджәх федеральн агентсвла зөвшәлт батлгдв.