Элст балһсна улст иләсн йоста дәәсн болжана

Хаврин чилгчәр болн зунын эклцәр Элст балһсна болн хотл балһсна эргнд бәәх селәдин әмтнд иләсн йоста ик дәәсн болв. Кесг түмн хортн танһчин әмтнд ик зовлнг учрав. Эдн әмт зуусн деерән, чикн-амнд орад әмт зована гиж элстихн келнә. Иим хортн альдас хотл балһснд ирсмб? Энүнлә ямаран ноолда кехмн?

Элст балһсна, Целинн болн Көтчнрә болн талдан чигн райодын әмтн танһчин хотл балһснд болн энүнә эргнд иләсн нисж ирснә тускар сәәнәр меднә. Эн хортн өвкүртәһәр зүүсн деерән, әмтнә нүдн-амнд, чикнд орна, талдан чигн күүнә махмуд зууһад дәәсн болжана. Эдн цус уухш, зуг күүнә арсар тежәл кежәнә. Урдк жилмүдт иләсн зуг Цаһан Амнд нег сардан көдлдг бәәсн болхла, ода май сарин чилгчәр иим хортн Элст балһснд күрдг болв. Эннь специалистнрин тоолврар, йосар тогтсн бәәдл болжана.

Эн жилин хаврар Хальмг танһчин цутхлнг райодт темәлжрһн болн талдан чигн хорт нуга болснас көлтә иләсн Элст балһснд болн эрндк райодт олар нисж ирв. Иләснлә ноолда кехд йир күнд болжана. Эдн Үстин районла әдл июнь сарин чилгчәр уга болж одх Сүл долан хонгт эмчнрин дөн сурж ирсн улсин то кесг холванд өсв. Нег үлү, бичкдүд болн бөдүн улс ки давхцдг гемәр гемтжәнә.

Түрүн болж иләснәс зуулһсн Элст балһсна улсин келсәр, эдн дегд хортаһар кү зууна. Эндр Элст балһснд иләсн уга. Әмтн урдк кевәр дурндан һаза һарчана. Болв шинжләчнрин тоолврар, иргч жилд бас иим бәәдл тогтх әәмшг бәәнә. Эн жил иләсн олар нисж ирәд, олн улсин икәр үүмүлв. Тегәд ирх жилд эдн бас мадниг зуух әәмшг бас бәәнә. Юнгад гихлә иләсн Элст балһснд болн хотл балһсна эргнд июлин түрүн арвн өдр күртл бәәх. Кемр тенгрин бәәдлин таал сән болхла иләсн августын чилгч күртл чигн бәәх гиж специалистнр саглулжана.

Ээнән Ольга, Колдан Церн