“Бидн тодлнавидн, бидн таднар бахмж кенәвидн” Элстд керг-үүлдвр давулв
Алдр диилврин жирн нәәмдгч өөнд нерәдж балһсна эрдм-сурһулин оютнр “Бидн тодлнавидн, бидн таднар бахмж кенәвидн” гидг төсвин йовудт Элст балһснд баг керг-үүлдвр давулв. Энүнә йовудт соньн харһлтс, спотривн керг-үүлдврмүд, тодлврин асх болв. Энүнәс нань үүдәгч марһан бас давсмн. Нәәрүлж бичлһнә марһанд хальмг деед сурһулин оютнр шунмһа кевәр орлцхав. Марһана дииләчнрт өцкүлдүр ачлврнь байрин бәәдлд бәрүлж өггдв.
Мадна аав-ээжнр бас дәәнә һалд орлцж , арһ-чидлән әрвлл уга фашистнрла ноолдж йовсмн. Дигтә мана ах үй улс маднд эндрк хөвтә жирһл авч ирсн бәәнә. Тегәд чигн мадн эдниг март зөв угавидн. эднә ниилчәр бидн төвкнүн тенгрин дор бәәцхәнәвидн гиж баһчуд келцхәнә.
Байрин өдрмүдлә цуг ветеранмудиг, ах-үй улсиг йөрәһәд цуг халхин күцәмж баһчуд дурдцхав. Бүрдәһәчнрин келсәр энүгәр төсвән төгсәжәхш, эн әрүн-чинртә керг цаарандан чигн давулгдхмн.
