Приютненск районд олна малд хот белдж авгджана
Приютненск районд олна малд үвлин хот белдлһнә көдлмш цаарандан кегджәнә. Энүг цаглань төгсәхд сентябрь сард орсн хур боомтг болв. Эндр өдрт ут-тоодан хөрн тавн минһн тонн шүрүн хот белдж авгдв, эннь кергтә кемжәнәс найн йисн процент тогтажана. Эн көдлмшлә зерг районд намрин тәрә тәрлһнә көдлмш күцәгджәнә.
“Армейский” нертә крестьянск-фермерск эдл-ахун толһачин нөкд Иван Армейский келсәр, үвлин кемд малд иим хот тааста болх зөвтә.
Иван Армейский баһ цагасн авн колхозд һазр деер көдләд дасчкв. Селәнә эдл-ахун көдлмшин сәәнәр меднә. Ода крестьянск-фермерск эдл-аху һарджах Александр көвүндән нөкд болжана. Келхд, эднә эдл-аху Приютненск районд нүүрлгч тоод йовна. Зунын кемд һан-халун болв чигн, хәләжәсн малдан үвлд күрх хот белдж авцхав.
“Армейский” нертә крестьянск-фермерск эдл-ахун толһачин нөкд Иван Армейский келсәр, эн жилин зунар малд хот белдж авхд күнд болв. Тер бийнь цуг урһциг геедрлт угаһар хураж авч чадв. Ут-тоодан зун хойр тонн шүрүн хот белдж авв. Үвлин кемд күрх зөвтә.
Района агропромышленн делгрлтин әнгин ах специалист Анатолий Кукаевин келсәр, районд ут-тоодан үвлд хөрн тавн минһн тонн шүрүн хот олна малд белдж авгдв. Эннь кергтә кемжәнәс найн йисн процент тогтажана. Эн жил зунын кемд дегд одгшн халун болад икәр хот белдж авдг арһ уга болв. Зунын кемж халун болв, намрин эклцә сентябрь-октябрь сармудт хуор орв. Тегәд чигн урһциг хураж авхд күнд болв, тер мет намрин тәрә тәрлһнә көдлмшт бас боомтг учрв. Олна малын төлә үвлин хотыг хам-хоша бәәх региомнудас хулдж авх кергтә болв. Тер бийнь эн өдрмүдт хот белдлһнә көдлдмш цаарандан кегджәнә.
Приютненск РМО-н администрацин АПК-н делгрлтин әнгин ах специалсит Анатолий Кукаевин келсәр, ода Ставропольск крайяс шүрүн хот хулдж авчана. Ода чигн цаг бәәнә. Олна малд үвлд күрх хот белдж авх саната.
Тенгрин күнд таал болн мөнгн ховра болад селәнә эдл-ахун делрглтд харш болжана. Тегәд иим таалд күн болһна шунмһа көдлмш ик чинр зүүжән.. Һарджах эдл-ахуг сәәнәр һардж, селән һазрт көдлжәх улс чидлән инөөлго көдлх зөвтә. Иим кевәр “Армейский” нертә крестьянск-фермерск эдл-ахун толһач көдлжәнә. Эдл-аху эзни кевәр һардсн деерән, эврәннь фермдан вэрәннь һарарн техник цуглулж кежәнә.
Үлгүрнь, энүнә кесн техник эднд сән нөкд болжана. Энүнә дөнгәр тәрәнә аһуһас хог-бог хураж авч болх. Хураж авсн хог-богиг автоматизированн кевәр буулһна. Александр Армейскийн цуглулж авсн техник талдан эдл-ахусин көдләчнр дураһад хураж авх нәәлвр бәәнә. Үвлин кем өөрдж йовна. Тегәд Приютненск района селәнә эдл-аухн көдләчнр олна малд 1влд күрх хот белдлһнә көдлмшән цаарандан күцәжәнә, энүнлә зерг намрин тәрә тәржәнә.
Елена Алексенко, Мятежный Максим
