Хальмгин толһачин мөрән төлә бичкн теннисистнр дәрлдв

Настольн теннисин межрегиональн марһанд ут-тоодан найн уйн наста спортсменмүд орлцв. Дөрлдән байрин бәәдлд секлһнд Хальмг танһчин толһа Алексей Орллов орлцад, баһ наста теннисистнриг йөрәв. Дииләчнрт танһчин толһач үнтә мөрә бәүрлж өгв. Зүткәтә марһана ашт Светлоград балһсна элчнр һурвдгч орм эзлв, хойрдгч ормд Грозный балһсна спортменмүд һарв, түрүн орм болн хальмгин толһачин мөрә мана танһчин команд шүүж авв.

Эн өдр Хальмгин толһач Алексей Орловин һарсн өдрлә ирлцв. Дөрлдәнд орлцсн бичкдүд Алексей Орлвиг халунар йөрәһәд, көдлмштнь күцәмж дурдв. Алексей Маратовичин темдглсәр, мана танһчд настольн теннисиг делгрүлх кергтә.

Марһанд орлцсн хальмгин спортсмен Байр Бадмаев урднь олн-зүсн дөрлдәнд түрүн орм эзләд, танһчин нер холд туурулв. Эн марһанд диилвр бәрснд Байрин эк-эцкнр ик гидгәр байрлв. Эднә көвүн олн-зүсн әрәсән дөрлдәнд орлцад, мөнгн. мөрә шүүж авна.

Марһана ах зарч Вартан Гаспаровин келсәр, хальмгт болдг дөрлдәнд олн бичкдүд орлцдг болв. Эн саамд хальмг танһчас тәвн көвүд-күүкд дөрлдв. Тер мет Элст балһснд хам-хоша бәәх регионмудын, тер тоод Ставропольск крайин, Кабардино-Балкарин, Астраханск, Волгоградск областьмудын элчнр ирж дөрлдв. хагмин олн спортсменмүд Волгоградск областяс ирв. Эднә командын ханьд һучн күн диилвр бәрхәр зүткв.

Уйн наста теннисистнрин келсәр, иим маранд орлцад, эдн сән дамшлт хоршаһад, иргчдән дииилвр бәрхд сән урмд авна. Марһана орцлачнр дөрлдәнә ашт Хальмг танһчин толһач Алексей Орловла зурган цокулв.

Аджин Светлана, Очра Сергей