Элст балһсна бичкдүдин тавн садт өөмлһнә бассейн бәәнә

Элст балһсна бичкдүдин тавн садт өөмлһнә бассейн бәәнә. Бичкн цагасн авн дамшлтта сурһмжлачнр бичкдүдиг чикәр өөмх дасхна. Бичкдүд цогц — махмудан батрулж. Дәкәд болхла эн керг -үүлдвр эрүл менд бәәхд тусан күргнә.

Өдр болһн эн бичкдүдин садт хойр зун күүкд көвүд орна. Өөмлһнә бассейнд долан хонгт хойр дәкж өөмлһнә кичәл болна. Бикдүдт ик гидгәр таасгдна. бассейнд орхин өмн бичкдүд зарядк кеж. цогц махмудан нечкн халулж хөөнь уснд орна. Уснд эднлә дамшлтта багш Цеднә Любовь көдлнә. Эн багш эдниг уснд яһж бийән бәрх дасхна. Эднлә олн зүсн наад бүрдәж наадна. Эн бичкдүд 4-5 наста болв чигн уснд бийән сәәнәр бәрнә.

Бассейна усн дангин санитарн эпидемиологическ сөрлһн шалһж хәләгднә. Усна кемжән сольгдна. Зунын цагла 22-2З градус дулан болх болх зөвтә. Увлд 27-З0 градус дулан болна. Эн кемжәниг дангин садын эмч хәләнә. Эндр өдр ямр болв чигн учрас мана бичкдүдин эрүл менднь му. Тавн хонгин эргцд эдн аһарт. Бассейнд өөмж наадна. Тренажерт цогц махмудан батрулна. Олн-зүсн эмнллһ давулна.

Тегәд Элст балһсна 25 тойгта бичкдүдин садын сурһмжлачнр. Хамдан эн төрт зөвтә оньган тусхаж сурһмжллһна эрүл-менд батруллһна халхар ик көдлдмш күцәж йовна. Бичкн цагас авн цогц махмудан батруллсн чик сурһуль. Гүн медрл авсн бичкдүд өсәд босхларн.эврәннь танһчдан . Орн-нутгтан сән, өлзәтә үрдүд болхнь маһд уга.

Аджин Светлана, Жамбин Джитрий