Элст балһснд номин фестиваль эклв

Элст балһснд эрдм-сурһулин министерствин болн Хальмгин университетин бүрдәгдсн номин фестиваль эклв. Энүнд баһ наста шинжләчнр шунмһаһар орлцжана. Фестивальд орлцхар дөрвн зун күн эрлһ орулж өгв, зуг комиссин гешүд йирн һурвн күүнд орлцх зөв өгв.

Сүл жилмүдт мана Танһчд олн сурһулин заведеньс секгджана, болв номин өдр түрүн болж темдглжана. Хальмг государственн университетд баһ наста номтнрин болн оютнрин хоорнд ном шинжллһнә халхар марһан бүрдәгдв. Эн марһан болхла номин өдрмүдлә залһлдата. Марһанд орлцжах баһ наста номтнр эн өдриг тенкән уга күләв. Ик чинртә керг үүлдврт ик сурһулин оютнр болн дунд сурһулин заведеньсин көвүд күүкд орлцв.

Баһ наста көвүд күүкд ирх долан хонгт марһанд орлцх. Оютнр болн баһ наста номтнр хойр халхар — гүн номин болн социальн—гуманитарн көдлмш кехмн. Түрүн орм эрүл менд харлһна төрмүдәр кегдсн көдлмш авх.

Марһана жюрид баһ наста оютн Бадман Илянян көдлмш ик гидгәр таасгдв. Энүнә көдлмш зегин тускар. Иляня биологин факультетин тавдгч курсин оютн. Шинжллһнә көдлмшин тускар Иляня сүл жилмүдт сул цаган өгч өдр болһн эврәннь көдлмшән кев. Эн көдлмш бичкн.

Өмнь баһ наста күүкн олн соньн материал умшв. Баһ наста номтнрин тоолврар эн көдлмш иргчдән олз — тусан әмтнд күргх. Бадман Илянян багш Жанна Савранская эврәннь сурһульчдан ик дөн тусан күргв. Февраль сарин нәәмнд жюрин гешүд болхла оютнрин хамгин сән көдлмшиг мөнгнә мөрәһәр ачлхмн.

Аджин Светлана, Азыда Надежда, Жамбин Дмитрий