Цутхлнгин рынкд илткгдсн дуту-дундс уга кегдх гисн ицл бәәнә
МЧСин заллтин болн прокуратурин элчнрлә хамдан болсн сүл бүрткллһнә сүл көдлмшин ашт цутхлгин хазгин базрт кесг дуту-дундс илткгдв. Үлгүрлхд, хулд гүүлгәнә стелажмудар эвакуационн һарлһн хаагдв. Терзмүдт болхла төмр углгдж тәвгдсн бәәнә.
Административн шоодврла харһулгдсн цутхлнгин рынкин һардачнр аштнь дуту-дундс уга кесн аль угаһнь МЧС-ин көдләчнр бүркж чадсн уга. Юнгад гихлә һурвн жилин эргцд нег дәкж эдн рынкд ирж иим бүртклһ кех зөвтә. Тегәд эднә келсн үгд иткх болжана. Тер хоорнд рынкд әәмшг уга бәәдл тетклһнә төр хаһлгдад уга гиж келж болхмн. Дәкәд болхла нааран хулд кехәр ирсн улс көлгн-күчән әмтн йовдг хаалһд зогсана. Кемржән энд әмтнд эмч кергтә болхла бачм дөн күргдг болн түүмр унтрадг маши нааран орж чадшго. Энд тогтсн санитарн бәәдл хулдачнрт даслта болв.
Элстин бәәрн улс келсәр энд уутьхн хаалһас көлтә энд зеткртә йовдл учрна. Тогтсн бәәдлиг ясрулх кергтә.
Зөв-йос харлһна органмудын координацион селвцән деер цутхлнгин рынкд учрсн әәмшг уга бәәдлин тускар дангин күүндвр болна. Мана телеүзлврт интервью өгсн саамдан танһчин толһач келх зөв-йос харлһна болн бәәрн заллтин органмудын халхас эрк биш кергтә шишлн көдлмш хашнгар кегджәнә.
Алексей Орловин келсәр, кемржән зәрм церглт, һардачнрэврәннь көдлмшән кергтә кевәр эс күцәжәхлә докумендт болн материалмудт эс белдгдсн болхла, цуг эн тоотыг үнлх кергтә гисн төр зөв-йос харлһна органмудын өмн би тәвсн биләв. Эн төрәр әмтнд цәәлһвр кеж өгх кергтә. Кемр зөв-йос эвдсн йовдлмуд харһхла эврәннь цолын даалһвран күцәтн.
Эн төрәр танһчин толһач координационн селвцәнә гешүдлә апрелин эклцәр күүндвр кех саната.
Санкун Кермен, Котина Валерий
