8 марта нертә уульнцин 59-гч тойгта герин бәәрн әмтн заллтин компаня туслмжд керглгджәхш

8 марта нертә уульнцин 59-гч тойгта герин бәәрн әмтн заллтин компаня туслмжд керглгджәхш. Боомтг учражах «Жанһр» администрацд иим шиидвр авсна тускар эдн күргж медүлв. Сүл жилмүдт эн компаньд өгсн мөнгән герин эздүд хәрү некчәнә.

8 марта нертә уульнцин 59-гч герин бәәрн улс хаврин хурас саглжана. Ора деер бәәсн цасн хәәләд, дусчана. тегәд олн патьрин хораст таз бәәхнь үзгднә. Эн герт сән ясврин көдлмш эрк биш кех кергтә гисн тогтавр мэрийин ведомств хоорндк комиссь давсн жилин июнь сарла батлж авла. Тиим болв чигн эн гер аварийн тоод орсн уга билә. Тегәд хойр давхрта герин улс балһсна прокуратурт шишлн цаасн орулж өгхәр седлә. Зуг заллтин компаня директор Игорь Гейко ора халаслх, подвал хагсу болх, подьездмудыг ясх үгән өгсн билә. Жил болһн эдн хуучн герт ясврин көдлмш кегджәнә гиһәд санад йирн минһн арслн йилһж өгдг бәәсмн.

Герин комитет ахлач Любовь ЕркО келсәр, хойр күн ирәд, ора деер көдлсн бәәдл үзүләд, теднә хөөн усн деерәс улс дусна.

Эн герт 1-гч багин инвалид бәәнә. Өнчн күүкд күн босж йовж чаджахш. Энүнә ардас нәәмәдлж авсн күн хәләнә. Көгжд идгдсн эрсин цаасн эрүл менд харшлтан күргнә. Энүнә зөвиг кен харсхмн? Энүнлә хам-хоша һурвн үртә белүсн гергн бәәнә. Патьрин балкон эвдрсн бәәдлтә, 5 милиметрт эрс шуурад, әәмшг учражана. Тегәд эн гер нурад унх гиж бәәрн әмтн зовжана.

Эн күүкд күүнә келсәр, мана патьрмудт ясврин сән көдлмш кегдхә гиһәд, «Жанһр» компаньд орулж өгсн мөнгән хәрү некж санатавидн. Юнгад гихлә, цаг давад кесн көдлмш уга.

Эндр эн гер шин компаня ханьд орв. Энүнә һардач Константин Шурунгов келсәр, эс күцәсн туслмжин мөнгән хәрү авх ицл бәәнә.

Манһдур эн герин бәәрн улс юристнрла харһж зарһд орулж өгх документан белдх саната.

Колдан Наталья, Котина Валерий