4 апреля 2012, 17:56
Зөв харслһна халхар үүлддг олна бүрткллһнә комиссин сүүр болв
Күч үзүллһн, танһчин засгла харһулгдсн учрежденя администрацин көдләчнрин халхас зөв йос эвдсн бәәдл һарһлһна тускар эс зөвшәржәх цаас түүрмд суух улс орулж өгв. Энүнә тускар эндр элстд болсн күүнх зөв харслһна халхар үүлддг олна бүрткллһнә комиссин сүүр деер күүндвр кегдв. эн комиссь 2010-гч жили сентябрь сарас авн экләд үүлджәнә. Энүнә ахлач Эрднь Эльдышевин темдглсәр, эн цагин эргцд эдн колоньд болн следственн изоляторт одч засгла харһулгдсн улсла харһж күүндснә ашт эднә зөв эвджәх йовдлмуд бәәхинь келж өгцхәв. Тенд бәәх әмтн му чинртә усар тетегкдсн бәәнә, хот хоолн чигн му, медицинск дөнг күрглһнд бас олн төрмүд учрна. Цуг эн тоотин тускар танһчин толһачд күргж медүлх шиидвр авгдв.
