Ик-Буурл района баһ наста эмчнр мөнгнә компенсацан авчана
Ик-Буурл района баһ наста эмчнр мөнгнә компенсацан авчана. эн программд З5 нас күрәд уга эмчнр орлцжана. авчах мөнгнә кемжәнь — нег сай арслнг тогтажана. Програмиин тогтаврар эн эмчнр селән һазрт эрк биш тавн жилдән көдлх зөвтә.
Ик-Буурла района цутхлнг больницин поликлиникд ирсн кемдән мана үүдәгч баг олн улс үзв. Эдн цугтан дамшллта эмч Елена Николаевна Пюрбеевала харһхар ирсмн. Елена Николаевна медицинск номин кандидат, дамшлтта гинеколог .Шидр Санкт-Петербург балһснас хәрж ирсмн. тенд олн жилдән медицинск цуьхлнгд көдләд, сән дамшлт хоршасна хөөн ирсн болдг.
Бидн зөвәр байрта бәәнәвидн иим дамштта эмч ирснд. Эврә кергән сәәнәр меддг эмчнр олнд дөнгән күргхнь лавта.Иим эмчин хәләврт бидн санамр бәәж чадхвдн гиж саата күүкд күн келнә.
Мини герин эзн күн эн һазра күн болжана . Тегәд бидн өрк-бүләрн ирвдн. мана күүкд төрск һазртан бәәршлж, сурч чадхмн. Өдгә цагт цуг кергтә оборудовань уга, тер бийнь эмч болһн цуг арһ-чидлән һарһж үүлджәнә-гиж Елена Николаевна Пюрбеева келнә.
Эрүл-менд харлһна федеральн программ селәнд эрк биш кергтә гиж района ах эмч Киштә Бакаева келнә.Урд цагт манад гинеколог эмч уга билә, эннь саата күүкд улст невчк жанһр болжасмн. Ода болхла гинеколог, стоматолг, эпидемиолог чигн бәәнә гиж күүндврән цааранднь давулна. Дәкәд болхла шин проект сән ниилчән күргжәнә. Эн проектд З5 нас күрәд уга эмчнр орлцжана. тавн эмч нежәд сай арслнг авчксн бәәнә. Иим мөнг авчах улс эрк биш тавн жилдән нег ормдан көдлх зөвтә. Баһ наста специалист, эпидемиолог Виктория Васильевна Димонова Элст балһснас ирсмн. Түрүн ирсн цагтан бәәцин халхар күнд болх гиж санжалав.Болв, бәәц сән, мөнгнә жалв балһснд өгчәх мөнгнәс өөдән, бичкдүдин садт орм өгв гиж баһ наста эмч ухан-тоолврарн хувалцв. .Авсн мөнгәрн деернь бас немәд балһснд бәәр авх седклтәвидн гиэ эн эмч келнә.
Баһ наста арвн негн эмчәс тавн нежәд сай арслнган авчксн бәәнә. Шидр ирсн эмчнр болхла танһчин эрүл-менд харлһна министерствд цаасан орулад өгчксн бәәнә. Келхд, танһчин правительств медицинск дунд персоналд нерәдж эврә программан белдсн бәәнә. Эн программар Арв һар жил көдлчксн дунд медицинск көдләчнр З0 минһн арлснг авч чадхмн.
Мадна тускар ухалжахнь сән йовдл. би ода деерән 14 жил көдлчкв. цааранднь чигн көдлх арһ санан бәәнә гиж медицинск эгч Марина Зодбаева келнә. Эн мөнгәр гертән кергтә тоот хулдж авх седклтәв гиж күүндврән цааранднь давулв.
Эндр өдр Ик-Буурла районд нежәд сай арслнг авх олн-зүсн халхин 1З эмч бәәнә. Эдн цугтан района олн-әмтнә эрүл-менд харлһнд сән ниилчән күргх гисн иткл бәәнә.
Колдан Наталья, Котина Валерий
