Эн өдрмүдт һан һалунас әмтн Колонск боодгт оч өөмлһнә кемиг секв
Давсн долан хонгин өдрмүдт Хальмг Танһчд йоста халун өдрмүд тогтсн билә. Элст балһснд болн Танһчин зәрм райодар аһарин кемжән һучн градусас давв. Иим өдрмүдт һан һалунас әмтн Колонск боодгт оч өөмлһнә кемиг секв.
Эндр һаза невчн серүн салькн үләв чигн, Колонск боодгин өөр олн улс амрчана. Энүнд әмтн баг багмудар, өрк бүлмүдәрн ирж сул цаган давулна. Өөрдәд хәләхлә эдн ик зунь школд оржах көвүд күүкд һанцарн амрчана. Эдн әәмшг харслһна көдләчнрт көдлмшинь икдүлнә.Баатр Манджиевин келсәр бичкн көвүд күүкдиг оньган өгч хәләх кергтә. Кичәлмүдин хөөн эдн герүрн хәрлго нааран ирж кесгдән энд бәәнә. Эднлә бидн күүндвр тогтаж саглулхна керг үүлдврмүдин тускар келж өгнәвидн.
Минь ода матрос харсач уснд орхар седжәх көвүдт саглулхна керг үүлдврин тускар тодрхаһар келж өгчәнә. Дигтә тиим күүндвриг арвн хойр наста күүкдлә күүндв гиж маднд харсач келв. Эн күүкд болхла наад бәрәд эврәннь үр күүкән уснд орулхар седсн билә. Энүнә ашт хойр күүкн чивх әәмшгт харһв. Нег күүкиг болхла эмчнр тер дарунь авв, хойрдгчнь болхла эк эцкнриг дуудж авад күүндвр герүрн йовулв.
Баатр Манджиевин келсәр эндр өдр эн керг үүлдврт эк эцкнр орлцх зөвтә. Бидн болхлаг эврәннь көдлмшән сәәнәр меднәвидн. Өөмлхнә кем эс сексн болв чигн һан халун өдмүдт нааран дала әмтн ирнә. Арһ уга, уурлв чигн эдн уснд орна.
Өөмлһна кем зунын цагла эклнә. Усна шиншлжна көдлмшиг специалистнр ода күртл кесн уга. Әмтн олн зүсн гемәс әәлго уснд орна.
Тиим халунла сүүдрт сууж болшго, бидн нааран өөмхәр ирнәвидн гиж Эрднин Андрей келв. Нелипов Александр болхла эндр нааран түрүн болж ирв.
Ачта амрллһндан һарсн күч көлснә ветеран Манджика Владимир сар хооран өөмхәр нааран ирв. Дигтә тер цагла чигн әмтн дала билә. Нань эн боодгин уснас өөмх усн уга гиж медәт келж өгв.
Эндр өдр эк эцкнр көдлмштән өдр сө уга бәәнә, бичкдүд болхла кичәлмүлдин хөөн нааран ирәд цаган давулна. Ик зуудан альд бичкдүд бәәхинь эк эцкнр медхш. Эн туст бидн эднлә саглулхна көдлмшиг давулх зөвтәвидн.
Сөөһәр нааран олн әмтн ирнә, энд болхла нег харсач көдлнә. Багш Надежда Тостаева севр аһар кииләд нааран ирнә, эн күүкд күүнә келсәр энд сул цаган даувулжах көвүд күүкд һанцарн энд бәәнә. Өдгә цагин баһчуд олн зүсн аля азд һарһж, наад бәрж уснд орна, кесгнь өөмж чадхш тегәд унд хорх ик әәмшг бәәнә.
Эн өдрмүдт колонск боодгн нег чигн әәмшгтә йовдл учрсн уга билә. Эндр эн зурц хәләсн эк эцкнр эврәннь бичкдүдлә күнндвр тогтах зөвтә.
Гюзялян Татьяна, Бадмаран Владислав
