12 мая 2012, 14:53
«Зарница» нертә балһсна наадна финал давв
«Зарница» нертә балһсна наадна финал эндр «Буревестник» стадион деер давв. Эн соньн керг-үүлдврт ут-тоодан балһсна школмудин 17 команд орлцв. Команд болһн нәәмн күүнәс тогтсмн, теднәс хойрнь эрк биш күүкд болх зөвтә. Насарн болхла 10 — 16 нас күрсн бичкдүд, баһчуд. марһана орцачнр 100 метрт гүһәд дөрлдсн деерән, противогаз өмсәд, эврә һазр-усна, олн-әмтнә туль-туужан меддгәрн дөрлдцхәв.
Эн тоотас нань күүкд-көвүд медицинск дөнг күрглһнә халхар, дәкәд болхла буйнч седклин керг-үүлдвр давулснань тускар келж марһлдцхав. Балһсна марһана дииләчнр танһчин марһанд орлцхмн.
