Эмчнрин форум көдлмшән төгсәжәнә

Эндр эрүл-мендин делгрлтд нерәдгдсн межрегиональн номин болн дамшлтин конференц көдлмшән төгсәжәнә. Хальмг Танһчин медицинск ниицән эн өдрмүдт харһад, өргн күүндвр тогтасн билә.

Энүнә йовудт хальмгин эмчнр өдгә цагин некврлә ирлцәтә медицинск технологин болн әмтиг эмнүлһнә тускар күүндв. Ик чинртә керг үүлдврт Хальмг Танһчин цуг эмнүллһнә учрежденьсин дамшлта эмчнр, гүн медрлтә специалистнр орлцв. Тодлад келхлә, энүнә бүрдәһәчнр Хальмг Танһчин эрүл — мендин министерств, Росздрав болн «минһн орнта больниц» нертә Әрәсән ассоциац.

Эн форумд цуг танһчин эмнүүлһнә учрежденьсин эмчнр, Әрәсән эрүл мендин специалистнр, медицинск оборудовань кежәх компаня элчнр орлцна. Өдгә цагт шин медицинск оборудовань эмчнрт ик дөн нөкдән күргнә. Хол селәдмүдт бәәх улст тиим техник кергтә. Энүнд үзүлгдсн аппарат цөн минүтын эргцд электрокардиограмм кеж һарһна. Эмч телефо олзлад хойр минүтын эргцд электрокардиограмм компьютерт һарна.

Тиим техник гемтә улст ик дөн болх. Эмч тер дарунь эмнлһ өгч чаджана. Хойр минһн доладгч жиләс авн эрүл менд делглһнә программар тиим проект әрәсән арвн дөрвн регионд көдлжәнә.

Эн тускар кесн шинжлтс келжәнә.Үлгүрләд келхлә Калинградск областьд зурһан сарин эргцд зүркнә күнд гемәр гемтсн улсин то баһрсн билә.

«Тредекс» проектин ахлач Мандрыкина Татьянан келсәр ик нилчән эрүл менд харллһна программ күргжәнә. Шин оборудовань олзлад көдлхд эмнрт амр болна. Хол селәдт бәәх больницд ода шин техник ьбас орулх кергтә.

Специалистнрин тоолврар медәтә улст тиим дөн кергтә. Хол селәдт бәәх медәтнрт района больницд күрх арһ уга болна. Хальмг Танһчин эрүл менд харллһна министерствин ахлач Шовуна Влдаимирин келсәр өдгә цагт медицинск оборудовань холл селәдт йовулх тиим санан бәәнә. Өдгә цагт бидн кесг бооца батлад эн тускар көдлхвидн.

Өдгә цагт эмчнрин дамшлт жил болһн өөдлүлнә. Эн форумд медицинск эмчнрлә көдлдг юристнр, тоочнр, болн нань талджан әнгәс олн улс орлцв. Әрәсән ассоциацын элчнр болн “Тримм медицина” компаня арһлачнр эн жилд хальмг танһчин цуг медицинск учрежденьск эврәннь оборудоаняр теткхәр седжәнә.

Эндр өдр көдлсн эмчнрин көдлмш йир күнд тегәд шин техник олзлад эдн олн улс дөн күргч чаджана. Шин техникар көдлх мадн эмчнриг дасхнавидн гиж Трим медицина нертә фирмин элч Оксана Приказчикова келв.

Ирх жилд медицинск туслж өссх. Цуг медицинск министерствин медлд бәәх. Форумин орлцачнр цааранднь чигн тиимм ик чинртә харһлтнс бүрдәхәр седжәнә.

Гюзялян Татьяна, Хавтхна Анатолий