Ростовск теегт өвәрц оршавр олж авгдв
Элст балһснас жирн дуунад, Ремонтное селәнә өөр бәәх нег толһад археологуд . Иим бумб урднь евразийск теегт уга бәәсмн. Энд ик кезәнк күүнә оршавр олдгдв. Энүг номтнр күрл мөнгнә цагин бумб эс гиж кесг минһн жил хооран тәвсн бумб гиж келнә. Сүл зун жилин туршарт кегдсн хәәврин йовудт иим зуг уһрвн оршавр олж авгдсн билә. Энүг государственн туужин музейин көдләчнр, теегин экспедицин гешүд олж авч. Иим бумб Англьд бәәх чолун бумбас нег минһн жил хооран тәвгдж.
Кромлех гисн кезәнк чолун тосхлт. Энүг кесг талдан чолун эргәж зогсжана. Тегәд иим аһу кезәнк оршавр гиж тоолгдна. Теегин экспедицин һардач Наталья Шишлина келсәр, иим оршавр у-өргн теегт баһ. Сүл зун жилин болсн хәәврин йовудт иим зуг һурвн оршавр олгдв. Теегин археологическ экспедицин һардач, туужин номин доктор Наталья Шишлина келсәр, эн һазрт әмтнд ордг бәәж. Тегәд энүнә тускар сәәнәр медгдхш. Йириндән Хальмгин болн Ростовск теегт иим хойр бумб бәәнә гиж дегтрт бичәтә. Түрүн иим оршавриг нег минһн йисн зун һучн зурһадгч жилд Равикович малтж авсн бәәж, хойрдгч иим бумбиг Саратовск университетин профессор Синицын нег минһн йисн зун жирдгжлд олж авч. Ода эн болхла һурвдгч туужлгч олвр болв. Иим оршавр теегин биш, Кавказин зангшалта болжана. Зун эрг-толһа малтсн бийнь, иим оршавр олж авгдад уга билә гиж Шишлина келнә.
Өдгә цагт Ростовск областин Ремонтненск районл йосн кевәр тавн минһн толһа темдглж бичгдв. Эн өдрмүдт номтнр Песчаная болн Малая Элиста нертә сала хоорнд бәәх хамгин өндр һазрт һазр малтж, шинжлт кежәнә. Һазрин дор дәәкд нег чолун девскр бәәнә гиж кесг өдртән көдлсн хөөн номтнр медж авв. Энд олж авгдсн оршаврт малч кевтсн бәәж гиж номтнр келнә. Эннь ик кезәнк бумб болж һарчана. Сүл өдрмүдт теегин археологическ экспедицин көдләчнр эрг-толһа малтад, ик хуучн кезәнк туужин герчлһ Олж авв. Онц келхд, эн жил экспедиц бүрдәгдснә арвн жилин өөн күцжәнә. Экспедицин көдләч, туужин номин кандидат Анатолий Усачевин келсәр, эн сав оршаврт бәәж. Энүг цөн өдр хооран олж авла. Энүнд кесг үнтә кеерүл бәәж. Оршавр дегд гүн биш, зуг бичкн нүкн.
Оршаврт күүнә дала ясн олдгдв. Долан цогц бәәж. Энүг һарһж авад, ода археологуд шинжлж хәләжәнә. оршаврт кен бәәснь, кедү наста күн орашгдж, ямаран учрар өнгрсн, ямара шав авсн тускар номтнр медж авх зөвтә. Ик кезәнк цагт әмтн хоорндан цүүглж бәәдлтә. Тегәд бидн тер ноолдана герч болжанавидн гиж номт Ксачев келнә.
Иим кезәнк оршавр теегт олж авхд амр биш. Эннь номтнрт ик сән олвр болв. Юнгад гихлә, иим теегт оршавр олж авхд ховр. Туужин номин доктор Наталья Шишлина арджах государственн туужин музейин көдләчнр хөрн жилдән евразийск хотхриг ик оньган өгч шинжлжәнә. Эдн теегин метр болһниг ик болһамжтаһар хәләж кезәнк туужин бумб хәәж авчана. Иим оршавр олж авсна хөөн, Ремонтное селәнд һаза сойлын зөөрин бичкн парк бүрдәх шиидвр авв. Эннь сойлын бумбиг харж харлһна ил герч болх. Иим музеймудын то удл уга олн болх. Кезәнә цагт у-өргн теегәр нүүж йовсн улсин нерд эс олдв чигн, ямаран бичвр олзлж йовсн тускар ода бидн эс медв чигн. кесг зун жил болад, иим туужлгч бумб маднд өдгә цагин бәәлдл-жирһлин тускар сән герч болхмн.
Хавтхна Элла, Очра Сергей
