Дмитрий Медведев Краснодарск крайд аюлас көлтә зовжах улст эврәннь мөнгән йовулв

Краснодарск крайд учрсн ик аюлд түрсн улст Әрәсән премьер-министр Дмитрий Медведев эврәннь мөнгән йовулв. Барин церглтин сегләтр Наталья Тимакова эн зәнгиг лав гиж батлв. Аюлд харһсн улст Медведев нег сарин жалван илгәв гиж Тимакова темдглв. Әрәсән министрмүдин кабинетин талдан чигн гешүд иим седвәр дөннәд, усна зеткртә аюлд ховсн улст мөнгнә дөн күргә селвг правительствин ахлач орулж өгв. Дмитрий Медведевин үлгүрәр, мана орн-нутгин цуг министрмүд болн йос бәржәх талдан чигн көдләчнр, олна организацсин элчнр бас тәвцән орулжана. Эн туст Хальмг танһчд кедү мөнгн цуглрсна тускар эндр зәнг тархагдв. Ода деерән ут-тоодан нег сай хойр зун һучн долан минһн арслнг хурагдв. Мана танһчин әмтн мөнгнә тәвцән цаарандан орулж өгчәнә.