Аршань селәнә школ тәвн жилин өөнән темдглжәнә
Эн жилд Аршань селәнә арвн тавдгч тойгта дундын школ тәвн жилин өөнән темдглжәнә. Тәвн жил хооран эн школ эклц школ болж үүлдлә. Эндр өдр эн школ өдгә цагин некрлә ирлцжәх сурһулин заведень болжана. Актов заалд эн школыг чиләсн көвүд күүкд, кесг жилдән эн школд көдлсн багшнр цуглурв. Концерт прграммин йовудт архивн кесг зургуд үзүлсн билә. Байрин бәәдлд балһсна һардвр ачта багшнрт үнтү белгүд болн халтын бичгүд бәрүлж өгв. Эндр өдр арвн тавдгч тойгта дундын школ эврәннь авьясарн, билгтә баһчударн байн гиж мәрийн болн эрдм сурһулин министрествин специалистнр келж өгв. Жил болһн эн школ төгсәсн баһчуд әрәсән ик сурһульд орад, школыннь нериг туурулж йовна. Багш Людмила Михайлова эклц школ бүрдәгдсн цагасн авн энд экләд көдлсн билә. Эндр өдр школын багшнр, сурһульчнр өмнән ик зура тәвжәнә. Цааранднь чигн йилһән сәәнәр көдләд, сурһулән дасад нүүрт йовхар.
