Хальмгин университетд сурх саната баһчудын то өсв
Танһчин журналистнрла болсн харһлтд Хальмгин университетин ректор Бадм Салаев эн жилин приемна комиссин көдлмшин аш диглв. Хальмгин деед сурһульд сурх саната баһчудын то эн жил зөвәр өсв. Бакалавриатын халхар зурһан зун далн зурһан бюджетн ормд һурвн дундур минһн абитуриент эрлһ орулж өгв. Энүнә тускар цааранднь мана сюжетд келгджәнә.
Хальмгин университет хамгин түрүн оютнрин тоод абитуриентнриг орулж авсн деед сурһулин тоод йовна гиж ректор Бадм Салаев зәнглв. Эн керг хойр девснгәр болв. Августын арвнд ректорин батлж авсн закврт зурһан зун далн зурһан нерн бичгшдв. Иим бюджетн орм бакалавриатын халхар хальмгин университетд эн жил йилһж өггдсмн. Эднәс тәвн һурвн күн шишлнг ормд сурх, һучн зурһан марһан угаһар оютнрин тоод орулж авгдв. Эн жил ут-тоодан һюурвн дундур минһн баһчуд деед сурһуль сурх эрлһ орулж өгсмн. Тегәд нег бюджетн ормд тавн күн орх марһан болв. Бамд Салаевин келсәр, марһан ЕГЭ-н өөдән балл авсн көвүд-күүкд хоорнд болв. Тер мет эн жилин медалистнр бас марһанд орлцсмн. Эдн хамгин экнәс авн мана танһчин деед сурһульд сурх дуран медүлв.
Хальмгин университетин ректор Бадм Салаевин келсәр, өөдән балл авсн бачһуд химин, физикин, һазадын филолгин эрдмәр сурх санаһан медүлсн невчк алнг болв. Шин эрдмд бас марһан болв. Документоведение болн архивоведение эрдмәр нег ормд нәәмн күн орхар марһв, ветеринарин эрдмд һурвн күн. Әрәсән талдан регионмудас баһчуд ирв аль угай гисн сурвр журналистнриг соньмсулв. Салаевин келсәр, эн жил талдан регионмудас давсн жиллә дүнцүлхлә олн баһчуд ирв.
Ректор Бадм Салаевин келсәр, оютнрин тоод арвн дөрвн региона элчнр орулж авгдсмн. Тер тоод Ставропольск крайин, Волгоградск, Ростовск областьмудын, Чеченск республикин, Дагестана, Алтайин болн Тыван көвүд-күүкд хальмгин университетд сурх.
Тер мет СНГ орн-нутгас бас абитуриентнр оурлж авгдла. Жирн дөрвн бюджетн ормд зун найн эрлһн орулж өггдв. СНХ Бадм Салаевин келсәр, эн жил спортивн факультетд долан спортын мастерин кандидат ирв. Тер тоод вольн янзар болн греко-римск янзар бөк бәрлдлһнлә зерг дзюдо бас делгрлт авчана.
Бюджетн ормд эс орж чадсн баһчуд бооцаһар деед сурһульд орж чаджана. Тер мет зун көвүн-күүкн банкас өгья мөнг авад, сурх саната. Ректорин келсәр, Әрәсән зун һучн деед сурһулин тоод Хальмгин универистет орад, государствин халхас дөн авсмн. иим кредит арвн дөрвн жилд өггднә, энүнәс өрәлинь государств даах Тегәд оютнр сардан хойр зун-һурвн зун арлснг данцана. Эннь эк-эцкнрт ик дөн болжана.
Тер мет ректор Бадм Салаевин келсәр, магистратурт оютнриг орулж авлһн бас төгсв. Бюджетн ормд зун долан күн орулж авгдла, бооцаһар хөрн күн сурх. Хальмгин уцниверситетд эс орж чадсн улс икәр һундх керг уга. Ода Хальмгин деед сурһульд заочн кевәр сурһуль дасхин төлә документ орулж авгджана.
