Школд бичкдүдиг белдхин төләкедү мөнгн кергтә?
Ода эн болн талдан төрмүдин тускар тодрхаһар. Сурһулин шин күртл хойр долан хонг үлдв. Сурһульчнр школд белдвр кежәнә. Эн кемд хамгин икәр эднәэк-эцкнр зовна. Сурһульчнран школд белдхин төләкедү мөнгн һархинь эдн тоолад авчкв. Энүнәтөләдала мөнгн кергтәболжана. Нег үлү, ах классмудт сурчах көвүд-күүкдиг школд белдхд ик һару һарчана. Энүнәтускар мана түрүн сюжетд келгджәнә.
Негдгч класст орх Таня Килганова алфавит сәәнәр меднә, дегтр умшна, бичгд дасж авв. Мана үүдәгч баг ирсн кемд эврәннь школын хувц-хунран, өнгтәранецан болн канцелярскэд-тавран бахмжтаһар үзүлв. Сентябрин нег шинд күүкн школд одхдан белн болв. Килгановихна өрк-бүл школд сурһульчиг яһж белдхин тускар сәәнәр меднә. Көвүдәс күүкдиг школд белдхд жанһрта, нег үлү негдгч класст орх күүкиг школд белдхд күнд болна. Танян эк Светлана Килганован келсәр, дундлад нег сурһульчиг школд негдгч класст белдхин төләарвн минһн арслнг кергтә. Дәкәд чигн хулдж авх тоот бәәнә.
Нег сәнь, ода негдгч классин сурһульчнрин төләучебникүд хулдж авх керг уга. Сурһулин шин жиләс авн эклц классмудын көвүд-күүкд учебникүдиг өнгәр өгхмн. Энүнәтөләфедеральн бюджетас һучн сай арслнг йилһж өггдв. Ах классин сурһульчнрт невчк күнд болх. Эднд учебникүд хулдж авхин төләөрк-бүл болоһн дөрвн минһн арслнг өгх зөвтә. Льготн категорин бичкдүдин төләтанһчин хазнас арвн хойр сай арлснг йилһж өггджәнә. Танһчин эрдм-сурһулин министрин дарук Ирина Кавкишеван келсәр, харм төрхд өнгәучебникүд авх һурвн льготн категорь бәәнә. Эннь инвалид бичкдүд, өнчн көвүд-күүкд, эк-эцкин хәләвр уга үлдсн бичкдүд болн школьн комиссин шиидврәр баһ тетквртәөрк-бүлин көвүд-күүкд иим зөв авх.
Хуучн дегтрмүдиг шин дегтрт сольж болх. Эднәбәәдлнь му болв чигн, сурһульд кергтәдегтртәболх гиж элстихн тоолжана. Тер саамд дегтрмүд хулддг улс үүмжәнә. Тер мет зәрм школмудт эн жилин учебникүд хулдж авх неквр тәвжәнә. Эннь кесг холванд үнтәболжана. Үлгүрнь, йисдгч классин алгебрин учебник һурвн зун арлснг күрнә. Хойр минһн арвдгч жилд барлсн мел иим дегтр зун найн арслнгар хулдж авч болх. Эрдм-сурһулин министрин дарук Ирина Кавкишеван келсәр, зуг хойр минһн арвн һурвдгч жилд барлгдсн учебникүд олзлх некв уга. Талдан жилд барлсн дегтрмүд бас олзлж болх. Зуг энүнд бәәх материал әдл болх зөвтә. Эс гиж федеральн спискд орсн учебнгикүд школд олзлж болх.
Школьн нег хувц-хунр уга кесн хөөн, школьн костюм шин янзар орулгджана. школьн хувцна янзинь, өнгинь эк-эцкнр хургт шиидж авна. Ода магазидт школд кергтәэд-тавр, хувц-хунр болн учебникүд дала. Зуг өрк-бүл болоһн эврәннь мөнгнәкемжәһәр хулд кежәнә.
