Алексей Орлов Октябрьск районд одв
Хальмг танһчин толһач Алексей Орлов Октябрьск районд көдлмшин кергәр одв.
Хамгин түрүнд танһчин толһач Цаһан Нур селәнә школд одв. Энд ясврин көдлмш төгсв. Хамгин түрүнд модн терзин ормд шин пластикин терз углж тәвх кергтә билә. Эн көдлмш кегдв. Болв хамгин ик көдлмш болн мөнгн бичкдүдин садын гер яслһнд кергтә болв. Ода дошкольн учрежденьд дөчн көвүн-күүкн орж чадх. Сентябрин нег шин күртл бичкдүдин плошадк белн болх. Энүнд кергтә спортивн болн наадһлһна оборудовань хулдж авгдв. Энүнәс зәрминь углж тәвгдв. Танһчин толһач района цутхлнг Ик Царнг селәнд бас одв. Энүнд социальн обьектмудт һол оньг тусхагдв. Алексей Орлов Айс нертә бичкдүдин садт одв. Энд одахн капитальн ясврин көдлмш эклв. Ода герин ора шинрүлж ясгджана. Долан хонг балад, герин ора шинрүлһнә көдлмш төгсх. Тер мет эн саамд Алексей Орлов хаалһс яслһна көдлмшин йовуд бүрткв, района больницин тосхлтын йовудар соньмсв. Эн обьект ода танһчин һардврин чанһ бүртклһнд бәәнә. Тосхлтын организац эврәннь даалһвран күцәж чаджахш. Тегәд района больницин тосхлтыг Алексей Орлов эврәннь чанһ бүртклһнд авсн бәәнә.
