Балһсна уульнцс болн магазинд сәәхн гирляндсар, олн-зүсн өнгтә шамар кеерүлгдв

Шин жилин байр өөрдж йовна. Балһсна уульнцс болн магазид сәәхн гирляндсарн, олн-зүсн өнгтә шамар кеерүлгдв. Элст Әрәсән талдан балһсмудла әдл шин жилин байрт белдвр кежәнә.

Ода магазидын өөр дегд олн әмтн цуглрад үүмжәнә. Машид бас дегд дала. Ик магазидт машиһар өөрдж болжахш. Иим үүмәтә цагт хулд кешго улст сән таалта болна. Полицин көдләчнрин тоолврар, эн өдрмүдт дегд олн улс цуглрдг һазрт, саг бәәх кергтә. магазид ирсн улс мөнгән батлад, үнтә машидан сәәнәр оньслх зөвтә. Элстин цутхлнг базрт бас олн әмтн нааран-цааран йовжана. Энүнд гирлянд, елочн кеерүл, олн-зүсн маскмуд болн лу наадас олар хулдгджана. Эн хулдачин келсәр, олн-зүсн эд-тавр, наадһас болн кеерүл дала. Зуг эмтнд ик мөнгн уга.

Цутхлнг базрт махан үн дегд ик биш. Үкрин болн хөөнә махн нег килограммнь хйор зун тәвн — хойр зун далн арслнгар хулдгджана. шовуна махн нег килограммнь хойр арслнгас авн энүнәс үнтәһәр хулдж авч болх. Индюкин махна нег килограммин үн ода зун арслнг тогтажана. Эннь кимд болжана гиж эн хулдач келнә.

Шин жилин байрт ямаран хот-хол белдхин утскар күүкд улсиг сурхла, эдн олн-зүсн хот-хол зааж келв. Зәрм улс олн-зүсн шовуна мах белдх саната. Зуг эн өдрмүдт элстин улсиг банкоматудын көдлмш һундажана. Өрүн эртәс авн мөнг авх — тәвх улсин чеерүд дегд ик. Зәрм һазрт болхла банкоматммуд тас көдлжәхш. Россия гиичлүрт банкомат кесгтән көдлжәхш. Нег үлү, ток цокад әәмшг учражана гиж әмтн келнә.

Шин жилин байрт белдхин төлә кесг әмтн дегд икәр үүмж бәәнә. Зәрм улст хулд кех мөнгн уга болна, талдан әмтн өөрхн күүнәс белг күләжәнә. Шин жилин байрт кергтә хот-хулдж авдг цаг зәрм улст уга болжана. Банкас авсн өгья мөнгән данцахинь некжәнә. Психологудын тоолврар, цуг эн боомтг тоод авад, күүкд улс даавртаһар күцәх көдлмшән күцәнә. Тегәд чигн эдн икәр үүмж зовна. Болв иим кевәр зовх керг уга.

Колдан Наталья, Очра Сергей