“Мама в полиции” марһанд Хальмг Танһчас Баина Тарасова орлцх

Эн жил май сарла Әрәсән дотр дундын министерств «Комсомольская правда» нертә газетла хамдан «Мама в полиции» нертә марһа бүрдәв. Эн марһан далн долан жил хооран дотр дундын министерствин медлд насни дигт күрәд уга бичкдүдин әнг бүрдәгдснд нерәгджәнә. Эн керг үүлдврт ән әнгд көдлжәх найн һурвн күүкд күн орлцжана.

«Мама в полиции» нерәдлһтә марһан эн жил май сарла Әрәсәд эклв. Эн марһанд насни дигт күрәд уга бичкдүдин цутхлнгд көдлжәх көдлчәнрин дунд давулгдна. Хальмг Танһчас эн марһанд Баина Тарасова орлцх. Хальмг Танһчин дотр дундын кергүдин министерствин уул деер бәәх насни дигт күрәд уга бичкдүдин әнгд Баина дөрвн жил көдлжәнә. Нааран ирж көдлхәр дурн билә тер юнгад гихлә энд өдр өсч йовх баһчудт дөн күргх нанд арһ бәәнә. Энүнә өрк бүлд аавнь эцкнь полицд көдллә. Экнь болхла зака эвдсин улс ноолдлһна заалтын ветеран. Баинан икр зарһин пристав болж көдлжәнә.

Эндр өдр би эк эцкәсн үлгүр авч көдлмшән сәәнәр күцәжәнәв. Дурта көдлмштән өдр болһн йовнав, өдр бүүрин бәәдл жирһлд сурһуль сурх, көдлмштән одх, өрк бүлд чигн цаг олдгна-гиж баина маднд келв.

һучн наста Баина Тарасова шулун шудрмг. Көдлмштән шүрүн болв чигн зангарн йир жөөлн күүкд күн гиж энүнә тускар үүрмүднь келнә. Кесн көдлмшән чик кевәр кенә. Бичкдүдин насни дигд күрәд уга әнгд көдлхд йир күнд, а ля азд һарджах баһчудла өдр болһн күүндврин көдлмш давулна. Сул цаган нәәмн наста энкр Юля күүкнлә давулна.

Мини экм тиим ик чинртә марһанд орлцжахнь би байрлжанав. Би экдән йир дуртав гиж нәәмн наста Юля күүкнь келв. Эцк Василий Мамаевин келсәр эндр өдр тиим марһанд орлцад бийән үзүләд, полицд көдлжәх көдләчнрлә таньлдад үүрләд дамшлтарн хувалцх.

“Мама в полиции” нерәдлһтә Цуг Әрәсән марһанд орлцсн көдләчнр хамгин ттүрүнд эндрк баһчудла яһж көдлх кергтәһнь үзүлнә. Эн марһанд орлцх йилһән сән дамшлтан, эврә көдлмшән үзүлсн көдләчнрин дунд шүүгдсн билә.

Күнд бичкдүдт хәләвр, бүлән үг кергтә. Бидн тиим бичкдүдин эк эцкнрлә күүндәд, бәәснь геринь оч хәләвидн, гер уга бәәсн бичкдүдин бичкдүдин герт орулнавидн, олн халхаснь дөнгән күргнәвиддн гиж Баина Тарасова келв.

Марһана йовудт Әрәсән улс дууһан өгәд йилһән сән көдләчиг шүүж авх. Эн марһан диилвр бәрсн күн Париж балһснд бәәх Диснейленд путевках ачлх. Эн марһана аш май сарин һучн негнд болх. Эндр өдр өдр баинаг өөрхн элгн саднь, көдләчнрнь, һазра улс дөннгнжәнә.

Энян Дельгр, Дмитрий Джамбинов