Негдгч тойгта көгжмин училиш 75 жилин өөнән темдглжәнә

Эн өдрмүдт негдгч тойгта көгжмин училиш 75 жилин өөнән темдглжәнә. Эн цагин эргцд минһн һар баһчуд эн сурһулин заведениг төгсәһәд үүдәлтин хаалһар йовв. Төгсәсн сурһульчнрин дунд багшин көдлмш шүүж авсн олн улс бәәнә.

Негдгч тойгта көгжмин училишин 75 өөнд нерәдгдсн Концерт хоорин дуучнрас эклв. Хоорин көвүд күүкдлә тәәз деер дуучнр көгжмчнр зогсад эврәннь билг эрдмән бас үзүлв. Концертин белдврин көдлмш ик урдасн эн бичкдүд эклсн билә. Таасгдсн дууһан көгжмән дасч авв. Тәәз деер зогсн бичкдүдин ик зунь олн зүсн танһчин балһсна марһасин дииләчнр.

Цааранднь эврәннь жирһлән көгмжлә залһх санатав. Көгжм нанд таагдна. Тәәз деер һархларн әәхшв. Кесг дәкч һарад билг эрдмән үзүлләв.

Хамгин түрунд эн училишин багшнр көгжмин училишиг йилһән сәәнәр чиләсн баһчударн омг кенә. Тедн дунд кесг билгтә көвүд күүкд бәәнә. Сурһулән чиләснә хөөн эдн дангин энкр көгжмин школдан ирж багшнрас меднднь сурж бүлән үгмүдәр сурһуль сурсн цаган тодлна. Тимофей Васильевич Коляда эн школын түрүн багш тәвн жилмүдин эргцд баян зевг татх эрдм бичкдүдт зааж өгчәнә.

Тимофей Васильевичин келсәр тер цагт Баян татдг школ шинкән эклсн билә. Эн школын түрүн сурһуль эннь Настина Сергей, Бадм-һәрән Алесандр, Цебкә Валерий болн нань чигн.

Минһн йисн зун һучн доладгч жиләс авн эн школ көдлжәнә. Тер кемәс авн эндр өдр күртл кесг күүкд көвүд нааран ирж билг эрдм дасч хальмг танһчиннь нериг холд туурулж йовна. Энд көдлжәх багшнр йир дамшлта. Сүл хөрн жилмүд эн школыг Галина Энәева ахлж йовна. Энүнә коллективд баһ наста олн жилдән көдлсн багшнр чигн седклән өгч көдлнә.

Эн керг үүлдврт бидн кесг жилдән мана школд сурһуль сурч йовсн улсла харһад нәәрән соньн кевәр давужанавидн гиж школын директор Галина Эняева келв. Нааран ирсн бичкдүд дуран цуг седклән өгч көгжм дасна. Күцәмжәрн дангин мадниг байрулна.

75 өөнин байрт школын багшнрт болн бичкдүдт үнтә белгүд бәрүлж өгв, белгүдәснь хамгин үнтәнь 19 зун жилмүдин немш улсин хуур болжана.

Хальмг Танһчин эрдм сурһулин номин болн сойлын министр Лариса Васильеван келсәр көгжмин школын тууж йир байн. Эн цагин эргцд кесг әмтн сән сурһуль авад талдан һазрур йовж көдлжәнә. Школын нериг турулна.

Давсн байрин концерт көгжмин учлишин туужин дәкәд нег халх секв.Эн туужин халхиг эндр өдр сурһуль сурчах көвүд күүкд болн эдниг сурһж йовх багшнр бичв.

Энән Делгр, Очра Сергей