• МЫ ВМЕСТЕ 2020
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

ЕГЭ-н шүүврт сольвр орулгджана

Эндр цуг Әрәсәд ЕГЭ-н шүүвр болзгаснь эрт өггджәнә. Хальмг танһчд энүг һурвн күн өгчәнә. Тер саамд государственн шүүвр өгх болзг күртл нег сар үлдв. Хойр минһн йисдгч жиләс авн ЕГЭ-н шүүвр школан төгсжәх көвүд-күүкдин ор һанцхн шүүвр болжана. Тер мет энүнә ашар сурһульчнр деед сурһульд орж чадна. Эн жилмүдин эргцд шүүврин систем сольгдад бәәв. Ода күртл эн шүүврин тускар зүткәтә күүндвр кегджәнә. ЕГЭ-н шүүврәс тестын даалһвр уга кех седвәр орулгдв. Энүнә тускар Әрәсән эрдм-сурһулин болн номин министр Дмитрий Ливанов зәнглв. Эн шин зокалын тускар хальмгин багшнр болн сурһульчнр ямаран тоолврта бәәнә.

Государственн шүүврт дәкнәс нәәрүлж бичлһнә шүүвр орулһна туск шиидвр соннсн сурһульчнриг талдан шин зокал икәр үүмүлжәнә. Негдсн государственн шүүврәс тестын әнгин авч хаяд, гуманитарн предметмудар амн үгин шүүвр оурлжана. Энүнә тускар багшнр болн школан төгсәжәх баһчуд ямаран тоолврта бәәхиь медж авхар мана үүдәгч баг балһсна нег школд одв. Иим шин закан эдн таасжахш. Сурһульчнрин келсәр, кемр нег сурвр хәрү эс меддг бюолхла, таажаһад дөрвн вариантас негинь шүүж авч болг бәәсмн.

Элстин классическ гимназин арвн негдгч классин сурһульч Баира Бембееван келсәр, ЕГЭ-н шүүврт тестын даалһврмуд кергтә. Олн хәүрһәс зәрмдән таажаһад шүүж болна. Тестын даалһвр шүүж авх бәәж.

Иим шин закаг иргч сурһулин шин жиләс орулх саната. Тегәд эн жил школан төгсәжәх көвүд-күүкд хуучн зокалар шүүрвән өгх. Шүүвр өгх йисдгч классин сурһульчнрин тоолврар, тестын даалһврт гиигн даалһврас күнд даалһврт орж болна.

Классическ гимназин йисдгч классин сурһульч Мария Леонован келсәр, шүүврин тестын әнг ик чинртә. Амн үгин шүүврт сурһульчнр үүмәд чик хәрү өгч чадхш. Классическ гимназин йисдгч классин сурһульч Андрей Кульгина келсәр, ода сурһульчнрт тестын даалһврин ормд амн үгин шүүврт орлһн күнд болх.

ЕГЭ-н даалһврас а нертә әнг уга келһиг цуг предметмудар дүүцүләд девснәр кех зурата. Хамгин түрүнд гуманитарн предметмудар. Химин багш Инна Тепкееван келсәр, тестын даалһвр кергтә. Энүнд сурһльчнрин медрл илткжәх даалһврмуд орна.

Классическ гимназин химин багш Инна Тепкееван келсәр, тестын даалһврин ормд талдан эв-арһ орулх кергтә. Эс гиж шүүврт күнд даалһврмуд үлдх. Шишлнг классудт эс сурчах көвүд-күүкдт иим кевәр шүүвр өгхд күнд болх.

Тер мет гуманитарн предметмудар амн үгин шүүвр орулгдх. Түрүләд һазадын орна келнә предметар, хөөннь туужин болн литературин предметмудар иим сольвр кегдх. Тер мет шүүвр өглһнә электронн эв-арһ олзлгдх. Бичврин ормд электронн янз орулгдх. Түрүн болж компьютерар ЕГЭ-н шүүвриг информаткин предметар өгх. Багшнрин тоолврар, иим шин зокал орулхин төлә цаг кергтә.

Гимназин директорин дарук Наталья Талтангован келсәр, тестын даалһвриг уга кехин өмн, даалһвриг сольх кергтә. Шүүврин янзинь шинүрлх кергтә. Энүнд сурһульчнриг белдх кергтә. Ик эртәс авн дундын классмудас авн белдвр кех кергтә.

Шин закана тускар эн жилин август сард эрдм-сурһулин заведньст зәнглгдх. ЕГЭ-н шин зокал иргч сурһулин жиләс авн орулгджана. Шин закана бүрдәһчнрин тоолврар, иим кевәр сурһульчнрин медрл илткж авч болх, эрдм-сурһулин кемжә өөдлүлж болжана.

Көкән Герл, Хавтхна Анатолий

 Читайте наши новости в Одноклассниках!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия