13 июля, 07:33
 33 °C
80,27
71,23
  • АВТОНОМИЯ2
  • АВТОНОМИЯ4
  • АВТОНОМИЯ3
  • АВТОНОМИЯ 100 ЛЕТ
  • МЫ ВМЕСТЕ 2020
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

«Голос нации» нертә марһана түрүн девснг төгсв

«Голос нации» нертә марһан көдлмшән цааранднь давулжана. Шидр Элст балһснд арвн һурвн орлцач түрүн девснгин концертд орлцв. Энүнд баһчуд Манжин Аркадийин дуд дуулж өгв.

«Голос нации» марһана орлцачнр үүмәтә бәәнә. Тәәз деер һархин өмн баһчуд нег-негән дөнгнәд, сүв-селвгәрн хувалцна. Түрүн девснгд көвүд-күүкд Манжин Аркадийин дуд дуулж өгв. Келхд, жюрин ханьд нертә көгжмчәс нань мана танһчд нер туурсн биичнр болн эн керг-үүлдврин бүрдәһәчнр “Легато” бас орв.

Данзан Шураевин келсәр, икәр үүмәтә бәәснә ашт дууна үгмүд соляд, тегәд дууһан кергтә кевәр дуулж чадсн угав. Тиим болв чигн жюрин гешүд санан-седклим медлцх гиж нәәлжәнәв гиж Данзан келнә.

Данзан тәвн баллас дөчн йисн бал хоршаж чадв. Эннь йир сән үзмж болжана. Айта Очирован эн марһанд дуулсн «Тачал» гидн дун нааран ирсн улст таасгдв. Зуг күүкн дуту-дундс бәәхнь келж өгв.

Айта Очирован келсәр, йириндән эн дун күнд гиж тоолгдна. Тегәд би бас эн дууг сәәнәр дуулж чадсн угав гиж тоолжанав. Юнгад гихлә түрүн болж иим олн улсин өмн билг-эрдмән үзүлжәнәв.

Эн дууна учр-утхнь гүн болн седкл авлна. Тиим болв чигн, жюри марһана орлцарин өмн чанһ неквр тәвснә ашт Айта арвн балл авч чадсн уга. Орлцач болһн бийннь тускар видеоролик белдв. Тегәд заалд суусн улс эднә тускар медж чадв. Тер саамд дуучнр журналистнрла ухан-тоолврарн хувалцв. Нег көвүн болхла, интервью өгхләрн дуулад бәәв.

Көвүнә үүрмүд сәәнәр энүг дөннгв. Наталья Гришкина «Дурн» гидг лирическ дууг джазин импровизацар дуулж өгв. Анастасия Ванькаева бас йир үүмәтә билә. Зуг эн күүкн цуһараснь ик бал авч чадв. Настя хальмг келәр «Мама» дууг дуулв.

Хойрдгч девснгд баһчуд “Легато” багин дуудыг дуулж өгх. , урвдгч девснгд бийдән тааста дуд олна оньгт тусхахмн. Апрелин 14-д товчлгч гала-коцертд Әрәсән нертә дуучнр бас орлцх. Марһана дииләч нег минһн долларар ачлгдх.

Гүзәлән Татьяна, Хулхачин Николай

 Подписывайтесь на нас в Facebook!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия