Ик сурһульд шишлн лабораторь секгдв
Эндр өдр ик сурһульд оржах көвүд күүкдт дор ормдан эмчнд бийән узүлх арһ учрв. Тер юнгад гихлә давсн амрллһна өдрмүдт хальмгин государственн университетин уул деер шишлн лаборать секгдсн бәәнә. Энүнд оютнр цусан өгх, гемтхләрн эмчд бийән үзүлх. Үрән һарһсн оютнр бас сурһуль сурчана, тегәд эднд больницд бийән болн үрән үзүлхд йир амр болх гиж эмчнр болн ик сурһулин һардвр тоолжана.
Хальмгин ик сурһульд шишлн лабораторь болн больницд көдлх гисн зәнг олн улсиг байрулв. Тер юнгад гихлә оютнр гемтхләрн тер дарунь бийән эн шишлн лабораторьт көдлсн специалистнрт цусан өгч бийән чигн үзүлж чаджана-эн тускар хальмгин ик сурһулин ректор Бадм Салаев хурсн улст келж өгв. Дөчн жилдән энүнд больниц көдлжәнә, эндр өдр болхла дәкәд олн зүсн шиншлтс кежәх шишлн лабораторь көдлх.
Өдгә цагт бидн оютнрин төлә көдлх зөвтәвидн. Юнгад гихлә мана оютнр мана танһчин иргч болжана. Эдн эрүл менд болх зөвтә гиж хальмгин ик сурһулин ректор Бадм Салаев келж өгв.
Байрин хургин хөөн оютнр болн багшнр шин лабораторь одж хәләв. Эн лабораторин һардач Манжин Галина цусна шееснә шинлтс кедг биохимичнеск кедг хорас дәкәд эмчнр көдлдг кабинетмуд бас үзүлв. Шин жиләс авн эүнүд гинеколог, кардиолог, физиотерапервт эмчнр көдлмшән эклх.
Сергей Якшибаевин келсәр эндр өдр әрәсәд оютнрин төлә ик көдлмш кегджәнә. Эндр оютнр бийән цаглань шишлн эмнллһн авч чаджана. Эндр өдр мана университетд кегджәх көдлмш ик керг болжана.
Хальмгин государствен университед сурһуль сурчах көвүд күүкдт секгдсн шишлн лаюораторь йир таасгдв.
Мини хәләцәр эндр өдр тиим шишлн лабоарторь көдлхлә оютнрт амр болх. Эдн цусан энд өгч чаджана. Мана университетд үр һарһсн оютнр бәәнә. Эдн эврәннь үрән нааран авч ирәд эмчд үзүлж чаджана. Байрин хургт баһ наста эк эцкнр хальмг ик сурһулин һардвр ханлтын өргв.
“Школа здоровья” нертә төсвәр көдлжәх эмчнр дорас өсч йовх баһчудла олн зүсн лекс бүрдәһәд көдлх. Эн лексмуд тәмк татлһна, наркотик олзлһна болн әрк уулһна туск төрәр давулгдх. Дәкәд эн керг үүлдмүдт шунмһа оютнр орцж чадх.
Чуучева Валентина, Владислав Бадмараев
