Элстд хальмг келнә багшнрин семинар болв

«Этнокультурная коннотация содержания образования» нерәдлһтә семинар Элст балсһнд болв. Эн семинарт орлцхар Яшалтан района дундын школын хальмг келнә багшнр орлцв. Эдн хоорндан дамшлтарн хувалцв. Дәкәд болхла эн семинарт эсвин, биологин, химин, орс болн хальмг келнә ил кичәлмүд давв.

Киәчлин төр «Амн үгин зөөр". Нәәмдгч классин сурһульчнр ик урдаснь эн кичәлд белдвр кев. Көвүд күүкд Келмчнрин тускар соньн материал цуглурсн билә. Тиим кичәлмүдт эдн дуран өгч орлцна. Талын келн сурһульчнрла бас көдлхд йир амр болна гиж маднд дамшлта багш келж өгв.

Элст балһсна 2-гч школын болн яшалтан района школын сурһульчнр хоорндан марһа бүрдәв. команд болһн үлгүрмүд, тәәлвртә туульс келәд марһлдв. Энүнд ик зуудан талын келн сурһульчнр орлцв чигн эдн хальмг күүкдәс йилһрл уга сән кевәр бийән үзүлж чадв. Эднә келсәр хальмг танһчдан бәәсн улс хальмг кел медх дасх зөвтә. Хальмг танһчин эрдм сурһулин номин болн сойлын министрин дарук дәкин раисан келсәр өдгә цагт танһчд һучн минһн сурһульчнр сурһуль сурна эднәс хөрн йисн хальмг кел дасна. Бичкдүдин садт йовжах бичкдүд бас хальмг кел бичк бичкнәр дасчана.

Эн семинарт орлцсн цуг багшнрин ухан тоолврар сурһульчнрин хоорнд бүрдәгдсн кичәлмүд бичкдүдт йир соньн болна. Тиим кичәлмүдәс багшнр дамшлт авна. Эндрк баһчуд чсәәнәр кел меддго болв чигн иргчдән эдн өсәд босхларн хальмг кел дасх дурн ирх гиж бидн санжанавидн.

Ээнән Дельгир, Колдан Церн