Әрәсәд түүмрәс саглулһна кемжәнә шин зокал орулгджана
Түүмрәс саглулһна кемжәнә шин зокал Әрәсәд орулгджана. Ода түүмрәс харслһ тетклһнд һардачнр онц оньг тусхаж, эднә дааврнь чанһржана. Тер мет олн патьрта гермүдт бәәх әмтн подьездин давшурин болн ора деер эврәннь хувц-хунр, мебель хадһлж чадшго. Тер мет цокольн давхрт болн подвалмудт мастеркой эс гиж производствин хора секж болшго. Әмтн бәәдг гермүдт, кафед, офисмудт болн магазидт газин баллон олзлһна диг-даран орулгдв. Дәкәд болхла школ-интернатмудт, медәтнрин болн инвалидмудын гермүдт, больницд, бичкдүдин гермүдт болн зуна лагерьмудт бас шин зокал орулгджана. Энд өдр-сө уга көдләчнр манлһна көдлмш бүрдәх неквр бәәнә. Түүмр унтрадг машид ус авдг худг деер машиһан автомобилистнр тәвж чадшго. Тер мет гермүдин һаза өлгдг транспорантмуд болн баннермуд ба чикәр тәвгдх зөвтә. Иим предметмуд шаттдго материалас кегдх зөвтә.
