Танһчд өвс белдллһнә компань көдлмшән давулжана

Эн өдрмүдт мана Танһчд өвс белдллһнә компань көдлмшән давулжана. Сүл өдрмүдт нарна толәнәс шинкән һарсн ноһан өвсн дарунь шатч одна. Эн долан хонгин мигмр өдрт Хальмгин Толһач Алексей Орлов Танһчин цуг райодмудын муниципальн бурдәцин ахлачнрла һарһад эн төрәр өргн күүндвр давулв.

Механизатор Николай Эльбиков Үстин районд цөн сар хооран көдлхәр ирв. Урднь Николай Городовиковск районд тәрәһәчнрт нөкд болад тәрә суулһдг бәәсмн. Эн жилин тәрсн хар буудя гемм уга өсжәнә. Эн хаврт догшн салькн үләснә ашт һазр хагсв. Энүнәс хар буудя бичкн болжана.

Тиим хагсу зөгсхла цааранднь тәрсн тәрән урһх аль угай эндр өдр күн меджәхш гиж механизатор Николай Эльбиков келв. Утдан өвсн бичкн болхла өвс хадһдхд йир күнд болх.

Эн өдрмүдт эднә бригат теегт урһсн ноһаг хаджана. Келхд, эн районд тәвн минһн ббод мал өсчәнә. Үвлин кемд эднд зун һучн тонн өвс белдх кергтә.

Алексей Акдановин келсәр эн жилд ноһан өвс дөрвн минһн тон белдх санатавидн. Болв тенгрин бәәдл ямаран болхнь күн меджәхш.

һан халунла яһж ноолда кехинь механизатормуд медхш. Теегт һарсн ноһан шачана. Сүл цагт үстин района малчнр тәрәһәчнр Әәдрхн областин һазрт оч тенд ноһан өвс хаджана. һан халун болхла хагсу өвс хадж болшго, үвлд эн өвсиг малмуд идхш. Шүрүн хотн бичкн болхла хулдж авх кергтә гиж Михайил Горяев келв.

Михаил Горяевин келсәр Әәдхн областин ахлачнрла кергтә бооца батлгдсн билә. Эднә һурвн минһн һазрин аһуд мана механизатормуд оч өвс хадх.

Өвс хулдж авхд мөнгн кергтә болжана. Болв үн эндр өдр малчнриг әәлжәхш, юнгад гихлә киитн үвлин кемд малан асрх кергтә. Мал асрхла амн тоста болхмн.

Азыда Надежда, Бадмаран Владислав