Үстин района 6 эмч 1 сай арслн мөнгн авч

“Земский доктор” нертә программ эн жилин январь сарас эклв. Федеральн бюджетас энүнә төлә 11 жува арслнг мөнгн өггдсн бәәнә. Эндр өдр Хальмгт баһ наста эмчнрт нег сай арслн мөнгн экләд өггджәнә. Эднә икнкнь мөнгән таалын бәәцин ясрулһнд орулх саната.

Баһ наста хирург Денис Бембеев Әәдрхнә медицинск академь дөрвн жил хооран төгсәсн билә. Эн баһ наста эмчин келсәр дөрвн жил хооран эмчнрин төлә шин программ көдлх күн тас ухалсн уга билә. Дигтә тер цагт баһ наста медицинск академиин оютн Денис Бембеев сурһулян чиләснә хөөн альд көдлхв гиж уханднь тиим сурвр дангин ордг билә. Медицинск сурһуль авсн баһ наста эмчнр ар үзг эс гиж талдан балһсд оч көдлнә.Өдгә цагин дөннлһнә программар баһ наста хирург төрскн һазртан үлдж көдлжәнә.

Авсн мөнгәр шин патьр хулдж авнав, цааранднь иим программ көдлхлә баһ наста эмчнр хальмг танһчдан үлдх гиж Денис Бембеев келв.

Эн больницд хойр жил хооран нааран ирж баһ наста Данара Горипова бичкдүдин эмч болж көдлжәнә. Эн күүкд күн бас нег сай мөнгн авв. Авсн мөнгнәрн гер хулдж авад, эк эцкәсн салад эврәннь өрк бүләрн бәәнә.

Данара Горипован келсәр ода бидн давхрта герт бәәнәвидн, иргчдән эн герән хулдад һазрт гер хулдж авх санатавидн. Бичкн көвүн дангин һаза наадхар седнә, давхрта герт бәәж болшго.

«Земской Доктор» нерәдллһтә программ баһ наста эмчнрт ик дөн нөкд болжана. Бичкн жалв авсн эмчнрт гер хулдж авхд йир күнд болжана. Үстин районд зурһан баһ наста эмчнр көдлжәнә. Эндр өдр эн программар мөнгн авсн эмбһн тавн жилдән селәнд көдлх зөвтә.

Азыда Надежда, Бадмаран Владислав